April 28, 2020
Ngā Taupātanga Ārai Mate Karauna Ki Taranaki
Nō ngā haora tata kua mahue ake nei, whakatūria ai e ngā Iwi o Taranaki he taupātanga ārai Mate Karauna ki tō rātou nā takiwā, ki ngā taiapa tonu o tō rātou nā takiwā, ka mutu e tautoko ana te Manatū Pirihimana i tērā mahi a ngā iwi.
Kua hikina te rāhui whakamohoao taumata tuawhā i tēnei ata, hēoi anō, he āwangawanga nui nō ngā iwi kei pākia tonutia te iwi e te Mate Karauna.
Kei Urenui me Pātea ngā taupātanga e tū ana, ā, kei te kitea te Pirihimana, e tautoko ana i ēnei wāhi.
E ai ki a Jamie Tūta, hiamana i Te Rūnanga o Ngāti Mutunga, he mea kīnaki ēnei taupātanga e toru i ngā mahi kua oti kē i ngā iwi te tutuki, ka mutu, ko ngā iwi katoa o Taranaki kei te tautoko i ēnei wāhi.
Copyright © 2020, UMA Broadcasting Ltd: www.waateanews.com