April 28, 2020
Ngā Taupātanga O Te Whānau-a-Apanui
Ahakoa ngā whakawhiu a te hunga kakī whero, kei te mīhia rawatia Te Whānau-a-Apanui mōna i whakatū taupātanga nui ai ki roto i tana takiwā.
E ai ki a Steve Nash, minita o te manatū pirihimana, ki raro i ngā ture, he mea takahi ture ngā taupātanga mate karauna kua whakatūria e ngā iwi puta noa i te motu.
Ki roto o Te-Whānau-a-Apanui, kāore he tangata kotahi kua pākia e te mate karauna, ā, e ai ki ngā mea mōhio, nā te whakatūnga mai o ngā taupātanga i pērā ai te tokoiti o te hunga kua pākia e te mate.
E ai ki a Willie Te Aho, Rōia Māori nō Te-Whānau-a-Apanui, āe marika e āhei ana ēnei tūmomo taupātanga nei ki raro i te ture Pākehā.
Copyright © 2020, UMA Broadcasting Ltd: www.waateanews.com