Listen Now: 
Kua hikina te rāhui whakamohoao ki runga i te tangata, hēoi anō, kua ūhia he rāhui ki runga i ngā kōawaawa tupua o Tainui.
Koirā te whakatau a te Kīngi Māori a Tūheitia Pōtatau Te Wherowhero VII.
Nō te ata tonu nei puta ai te whenua o Aotearoa i te rāhui whakamohoao taumata tuawhā i utaina e te Kāwanatanga ki runga i te motu e whā wiki ki muri, hēoi anō, he maha tonu ngā iwi e noho tonu ana ki te taumata tuawhā nei.
E ai ki te Kīngi Māori, kua utaina he rāhui ki runga i ngā awa tupua o Waikato me Waipa, i runga anō i te whakapono, he wā tēnei e tāea ai te whakahaumako i ēnei wāhi nui whakahirahira ki te iwi.
Follow us on !["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
& Copyright © 2020, UMA Broadcasting Ltd: www.waateanews.com
RELATED NEWS
