April 23, 2020
Kua Kapia Katoatia Te Taitokerau Ki Te Mate Karauna
Kua whā wiki ngā iwi o Te Taitokerau e whakatū watawata ana ki te ārai i te mate karauna ki waenganui i a rātou, ā, me mātua mōhio te motu, kua kapia Te Taitokerau ki te katoa.
Koira tā Reuben Taipari o Te Rarawa.
He nui te whakawhiu kua utaina ki runga i te hunga kei te whakahaere i ēnei tūmomo taiapa puta noa i te raki, hēoi anō, ko Hone Harawira tērā kei te kero o te pū o te hunga kakī whero.
E ai ki a Reuben Taipari anō, kei te tū kotahi ngā iwi ki te tautoko i a Hone, ehara i te mea kei te tū ia me tōnā kotahi.
Copyright © 2020, UMA Broadcasting Ltd: www.waateanews.com