April 15, 2020
Te Whiorerua o te Kāwanatanga
Nā te aha i tū tonu ai te rā whakanui i a Hato Pātariki, ki roto o Aotearoa, ahakoa i oti kē i te Kaunihera ā Rohe o Tāmaki ngā hui nui a ngā iwi moutere i whakakore?
Koirā i pakirēhuatia ake e Muna Wharawhara, māngai matua o Ngāti Hauā.
I ngā wiki kua mahue ki muri, i whakakore ai ngā taiopenga nui o Polyfest me Pasifika, e ai ki te Kaunihera ā Rohe o Tāmaki, he āwangawanga nō rātou kei pākia rawatia te iwi Poronīhia e te Mate Karauna, hēoi anō, i tū tonu ai te rā whakamaumahara o Saint Patrick's Day.
Ka mutu, kei te rongo te iwi o Ngāti Hauā ki Waikato, te hua o tērā tū whakapae. Inā hoki, kei te kitea ki reira, me kī, te huinga nui a te tangata e Mate Karauna ana.
Muna Wharawhara
Copyright © 2020, UMA Broadcasting Ltd: www.waateanews.com