Listen Now: 
High on Ingoingo – Waiata Hou o te Wiki
Ko ia tētahi o ngā tino tauira o te hunga rangatahi Māori i roto i ngā tau tata nei, ā, kua whakamānuhia tōnā waiata hou hei whakarongotanga mā te marea. Ko Pere Wihongi tērā, ā, kātahi anō rā ia ka whakaputaina tāna waiata hou – High on Ingoingo.
Ko Pere tētahi o ngā kaiwaiata o te roopu Maimoa, hēoi anō, kua tīmata rā ia ki te takahi i tēnei huarahi hou. Hei tāna anō, he mea mīharo tāna whakaputa i te waiata hou nei, he waiata reo rua, he waiata hoki e whakatairanga i tāna ngākau Māori
He Roopu Reo Māori a Te Māngai Pāho?
Me kaua te roopu o Te Māngai Pāho e tohutohu i ngā reo irirangi Māori inā hoki, he mahi tāna, he kaupapa tāna; Koira tā Shane Jones o Aotearoa Tuatahi.
Kei te māharahara ētahi ki te āhua o ngā kōrero i whakaputaina e te toihau o Te Māngai Pāho a Larry Parr e mea ana he roopu reo Māori a Te Māngai Pāho.
E ai ki a Jones, me mātua tautoko te kāwanatanga i te mahi a ngā reo irirangi.
Te mutunga o ngā whawhai o Te Tāhuhu o te Mātauranga me ngā kaiako o Aotearoa
Kua tārewahia te porotēhi a ngā kaiako Kura Tuarua o te motu, ā, e manako nui ana te minita tuarua i ngā take mātauranga a Kelvin Davis, ka kitea te huarahi koke whakamua e mutu ai ngā tautohetohe nui ki waenga i te Tāhūhu o te Mātauranga me ngā kaiako o Aotearoa.
I tōnā tikanga ka tū anō he porotēhi a ngā kaiako Kura Tuarua i tēnei wiki, whai muri i ngā porotēhi nui i ngā wiki kua mahue ake nei.
E ai ki a Kelvin Davis anō, e mārama kehokeho ana te Kāwanatanga ki te motuhake o ngā kaiako hei kaiwhakatupu i ngā whakareanga o Aotearoa.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2019, UMA Broadcasting Ltd: www.waateanews.com
RELATED NEWS
