November 01, 2018
Rēhi he umanga o Haina i ngā whenua Māori o Kawerau
Rēhi he umanga o Haina i ngā whenua Māori o Kawerau
Kua whakaae te Tari Whakangao Tāwāhi kia rēhi te umanga o Haina, e kiia nei ko Guangxi Fenglin i ngā whenua Māori o roto o Kawerau ki te whakatū whare umanga ki reira, kotahi rau miriona taara te uara. Ko tēnei umanga nei nō Haina te tuatahi ki te whakatū umanga ki runga i ngā whenua o te Tarahiti o Pūtauaki, engari, ko te hiahia o te Tarahiti kia whakatū whare umanga ētahi atu umanga ki runga i o rātou whenua. E ai ki ngā kōrero, nā tēnei mahi a Fenglin, ka puare te kotahi rau tūranga mahi ki te hapori. He umanga mahi rākau a Fenglin.
Ngāi Tahu ki Taiao Waitaha
Kei te kōkiri pire a Taiao Waitaha ki te whare pāremata e ūtoka ai te noho a ngā māngai o Ngāi Tahu ki te roopu. I raro i ngā ture o te wā, ka pau te waahi ki ngā mana whenua ki Taiao Waitaha a te marama o Whiringa-ā-nuku, rua mano tekau mā iwa. Kei te tautoko hoki te māngai torangapū mō Te Tai Tonga a Rino Tirikatene, i te pire, e whai ana kia rua ngā māngai nō Ngāi Tahu ki Taiao Waitaha.
Whakaora anō i te taupori inanga
E hui ana Te Papa Atawhai ki ngā hapori o te motu ki te kimi whakaaro, me pēhea te whakaora anō i te taupori inanga e heke haere nei. Hei tā te Minita i ngā Take Taiao, a Eugenie Sage, he ika kāmehameha te inanga ki tēnei whenua, he taonga ki te iwi Māori. E whā ngā momo inanga e raru ana, nā te paru o te wai me te kaikaitanga o o rātou kainga i raro i ngā kaupapa whakawhanake a te tangata.
Copyright © 2018, UMA Broadcasting Ltd: www.waateanews.com