Listen Now: 
Ngā uauatanga o te mahi kaiako
Kua hui te Minita Whakawhanake Rohe a Shane Jones ki ngā kaiako me ngā tumuaki o Te Tai Tokerau ki te wānanga i ngā uauatanga o te mahi kaiako i ēnei rā. I tū te hui nei ki Whangārei, a, ko tētahi o ngā take i whakatakotoria ai e ngā kaiako ki mua i a Jones, ko te whakapakari i ngā ratonga mate hinengaro mō ngā tamariki. Hei tā Jones, he mea nui hoki kia whai mahi ngā mātua, kia kore ai wā rātou tamariki e kore mahi, e mātauranga kore, e pūkenga kore rānei, hei te wā ka puta rātou i te kura ki te ao.
Te mate whakamomori
Ko te kai a te rangatira, he kōrero, ko te kōrero te kai o te ora. Koirā tā Tio Sewell o te roopu Te Raumatatini. Koinei te roopu e ārahi ana i te roopu whakamomori Māori e kiia nei ko Te Waka Hourua. Hei tā te tāhūhū rangapū o Te Rau Matatini a Maria Baker, tekau mā rua ōrau te pikinga ake o te tatauranga mō ngā Māori i mate i te whakamomori i te tau kua mahue ake nei. Hei tā Sewell, kua kite rātou i roto i ngā tau, mena rā ka kaha ngā whānau ki te kōrero mō o rātou raruraru, ka puta he rongoā ki a rātou, otirā, he ara ki te whai ao, ki te ao marama.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2018, UMA Broadcasting Ltd: www.waateanews.com
RELATED NEWS
