Listen Now: 
Te Hātepe i Whāia hei Kopou i a Wally Haumaha
He roia, he tumu whakahaere o mua i Te Puni Kōkiri, a, kua tohua a Pauline Kingi hei kaiwhakahaere matua i te whakatewhatewha e pā ana ki te hātepe i whāia hei kopou i a Wally Haumaha hei komihana tuarua i te manatū pirihimana. Ko Louise Nicholas tētahi e tino whakahē ana i tēnei kopoutanga, nā te mea, i tautoko a Haumaha i ōna hoa pirihimana e kii nei a Nicholas, i pāwhera i a ia, nōna e taiohi ana. Hei tā te Minita a Tracey Martin, ko te ngako o tēnei whakatewhatewha kia tirohia te hātepe i whāia hei kopou i a Haumaha, a, ka puta he pūrongo i a Kingi a te tuaono o Hereturikōkā.
Whakapiki Tatauranga Pooti mo te Paati Māori
Hei tā te kaiārahi i te RTM a Marama Fox, e ora tonu ai te roopu, me whakapiki i te tatauranga mō te hunga ka tuku i wā rātou pooti-a-roopu ki te RTM. Hei tā Fox, ka tū te hui-a-tau a te RTM a te marama o Oketopa, ā, hei taua wā rā, ka tuku anō ia i tōna ingoa kia noho tonu ia hei kaiārahi i te roopu, engari, kei te pirangi ia ki te kuhu ki te whare pāremata i runga i te rārangi ingoa a te roopu, hei aha te pakanga mō tētahi tūru.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2018, UMA Broadcasting Ltd: www.waateanews.com
