Listen Now: 
Te Mana o ngā Maunga o Taranaki
He mea nui ki ngā iwi o Taranaki kia hāpai te Karauna i tō rātou taha o te whakaaetanga mo te kaitaikitanga o ngā Maunga o te rohe o Taranaki. Hei taa Jamie Tuuta, te kaiwhakahaere o te rōpu Ngā Iwi o Taranaki, i tērā tau, i hainatia tētahi whakaaetanga i waenganui i te Kaurauna me Ngā Iwi o Taranaki, a, ko tētahi o ngā kaupapa i roto i te whakaaetanga e pā ana ki te Mana o ngā Maunga.
Te Ahi Kaa o Tauranga Moana
Kua tahu ahi a Ngāi Te Rangi ki te pātanga o te rohe e mawehewehe ana i te takiwā o Hauraki me te takiwā o Tauranga kia mōhio ai te katoa, koia te ahi kaa o ngā iwi o Tauranga ki te rohe whānui o Tauranga Moana. Hei taa Meremaihi Aloua no Ngāi Te Rangi, he mea hei whakakotahi i ngā iwi e toru nō roto te rohe o Tauranga Moana, a, he kaupapa tēnei ahi kaa hei tohu ko wai te mana whenua o te rohe nei.
Te Rēhi Pōti Māori ki Ngā Tāone Auraki
Neke atu i te 7000 ngā tāngata kua pōti kē i te kōwhiringa pōti motuhake mo te tūru toōrangapū auraki o Northcote. Hei te Rāhoroi, ka mutu te wā pōti, a, ka pūrero ake he toa i waenganui i ngā Māori e rua e whai ana i taua tūru, arā, i a Shanan Halbert, uri o Te-Aitanga-a-Māhaki mo Reipa, me Dan Bidois, uri o Ngāti Maniapoto mo Nahinara.
Te Rautaki hou mo Te Māngai Pāho
Kei te whakarite Te Māngai Pāho ki te tūhura mai i tā rātou rautaki mo te toru tau e tū mai nei, ko He Māhere Whakapuaki Reo te ingoa, a, ko te ngako o te rautaki kia timata ki te whakamātautau i ngā tūāpapa matihiko o te wā e tae ai ngā hōtaka Māori ki te marea. Ka whakarewahia tēnei rautaki hou a te ahiahi nei.
Te Whai Pūtea mo Ngā Kura Kaupapa Māori
E whai ana te Rūnanga o ngā Kura Kaupapa Māori kia nui ake te pūtea ki a rātou, otira, kia nui ake te mana ki ngā KKM ki te whakahaere i a rātou ano i raro i te mātāpono o te Aho Matua. E ai ki ngā kōrero o Cathy Dewes o Te Rūnanga o Ngā Kura Kaupapa Māori, kua whakaaetia e te Kāwanatanga Nahinara i te tau 2015 te 15 ngā take, engari rā, kaore anō tētahi o ngā take kua aroa, kua tau rānei.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2018, UMA Broadcasting Ltd: www.waateanews.com
RELATED NEWS
