Listen Now: 
Nga Whakataunga Tiriti o Tauranga Moana
He karetao noa iho a Pare Hauraki ma nga hainamana me nga pakihi nui o Tamaki e hiahia ana ki te hoko whenua ki roto o Tauranga me te whakatuu whare ki runga. Na wai ra te tohe i waenganui i nga iwi o Tauranga Moana me Pare Hauraki ka kaha, katahi ka kaha ke atu i tenei whakapae a te Toihau o Ngai Te Rangi, ara, a Charlie Tawhiao. Kua penei te whakapae a Tawhiao, whai muri iho i te hotaka o Marae i te ra tapu, otira, i te putanga mai o te korero a Paul Majurey o Hauraki i kii ake ra ia, kei te panoni a Tawhiao i te hiitori, ahakoa he mea whakauu taua hitori e te Roopu Whakamana i te Tiriti i te tau rua mano ma wha. Hei taa Tawhiao, kei te akiaki nga hainamana me nga pakihi nui o Tamaki i nga kaitorangapu kia tere te whakamanatanga o te whakataunga a Pare Hauraki.
Kaupapa Mataamua Te Mate Pukupuku
Kei te rere te karanga i nga matanga mate pukupuku o Aotearoa, Ahitereiria me te Moana Nui-a-Kiwa ki nga Kawanatanga me te Rangapu Hauora o te Ao, kia noho te whakakoungatanga ake o te tiaki i nga turoro mate pukupuku iwi taketake hei kaupapa maataamua i roto i o ratou whakaaro. Kei roto te karanga nei i tetahi reta tumatanui i tuhia e ratou. Hei taa Taakuta Nina Scott o te roopu mate pukupuku Maori e kiia nei, ko Hei Ahuru Mowai, he roa ake taa te Maori tatari kia whai rongoaa ratou, kaore e rite ana te kaha o kaitiakitanga, ka mutu, ka kaha ake te mate o te Maori i te mate pukupuku i etahi atu iwi.
Te Ara Rerewhenua Tereina i Ahuriri
Kua timata nga mahi e tuu ano ai te ara rerewhenua tereina i Ahuriri ki Te Wairoa. Hei taa Kiwirail, hei te mutunga o te tau nei, ka pakari taua ara rerewhenua ki te kawe poro rakau i waenganui i era rohe e rua. Hei taa te Minita Whakawhanake Rohe a Shane Jones, e rima miriona taara kua tukuna e ia ki te kaupapa nei, na te mea, ka puta he oranga ki te hapori i te whakatuunga mai ano o taua ara rerewhenua. Hei taana ano, tokomaha nga Maori e mahi ana ki roto i te rangai rerewhenua.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2018, UMA Broadcasting Ltd: www.waateanews.com
RELATED NEWS
