Listen Now: 
Te Tahua Putea o te Kāwanatanga
Hei taa te māngai tōrangapū o Aotearoa Tuatahi, a Shane Jones, kei roto i te tāhua pūtea ā te Kāwanatanga a tērā wiki ētahi āhuatanga whakaohooho i ngā kaiārahi o te ao Māori. Hei taa Jones, Minita Whakawhanake Rohe, kei te whakapau wā te tini o ngā kaiārahi-ā-iwi ki te kōrero ki ngā Kaunihera-ā-rohe mo ngā take o te Tiriti o Waitangi, te mana o te wai Māori, te aha atu, te aha atu, engari, kāore i te aronui ki te whakatū kaupapa hei āwhina i ngā uri ki te kimi mahi, kimi whare me te whakapiki hauora.
Kura Hourua, Kura Motuhake
Kua tono ngā kura hourua katoa o te wā nei kia tū rātou hei kura motuhake i raro i ngā whakaritenga hou a te Kāwanatanga. Hei taa te Minita i ngā take mātauranga a Chris Hipkins, hei te mutunga o Hongongoi ka puta ngā kōrero mō tēnā kura, mō tēnā kura. Hei taana, ka āta noho rātou ko te tāhuhu o te mātauranga ki te whiriwhiri i ngā tono.
Me Haere ki te Tāone mā Runga Waka, mā Runga Pahi mo Tēnei Rā
Me āta whai whakaaro te hunga o Tāmaki, mā hea rātou tae atu ai ki te pokapū o te tāone i te rā nei. Kei te kati tonu te tūranga tereina o Britomart, whai muri iho i te mākeretanga mai o tētahi tereina i tōna ara inapō. Toru tekau mā toru tāngata i runga i tāua tereina i tāua wā, engari, kāore tētahi kotahi i whara. Mohoa nei, kei te raru tonu te wātaka tereina o Tāmaki i te katinga o Britomart.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2018, UMA Broadcasting Ltd: www.waateanews.com
RELATED NEWS
