Listen Now: 
Kōnae hou wā Marama Davidson
He kōnae hou wā te kaiārahi hou i Ngā Kākāriki, wā Marama Davidson hei pīkau māna, arā, kei a ia ngā kōnae o te wai, ngā tamariki me te whanaketanga o te ōhanga. Koia tonu hoki te māngai mō ngā Kākāriki ki roto i ngā take Māori. Ko ētahi atu panonitanga i roto i te roopu Kākāriki, ko te kopoutanga o Gareth Hughes hei kaiārahi rautaki, tae atu ki a Chloe Swarbrick hei māngai i ngā take tarukino.
Rangahau o ngā Hapori Māori
Kei te kimi whakaaro te Whare Wānanga o Wikitōria i ngā hapori Māori, me pēhea e kaha ake ai tā ngā hapori Māori whai waahi ki ngā rangahau e pā ana ki a rātou anō. Hei tā te amorangi tuarua o te Whare Wānanga, a Ahorangi Rawinia Higgins, i ēnei rā nei, ko ētahi ō ngā pou uara o te whare wānanga o Wikitōria, ko te reo Māori, ko te mātauranga Māori me Te Tiriti o Waitangi. E mana ai aua pou uara, kei te tautoko te whare wānanga i ngā karahipi-ā-iwi, tāra mō te tāra kia pai ai tāna hono atu ki ngā kairangahau Māori kei roto i ngā hapori e mahi ana.
$100 miriona mō te kainga koretanga
Kotahi rau miriona taara kei te whakapaua e te Kāwanatanga kia korehāhā ai te kainga koretanga. Toru tekau mā whitu miriona taara ka whakapaua e te Manatū Whakahiato Ora kia wātea ai te tini ō ngā whare hei tēnei takurua, ki te hunga kainga kore. Ono tekau mā toru miriona taara ka whakapaua hei roto i ngā tau e whā e tū mai nei kia tutuki ai te kaupapa Housing First, he kaupapa e tautoko ana i ngā whānau me ngā tāngata kainga kore ki te kimi whare mō rātou.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2018, UMA Broadcasting Ltd: www.waateanews.com
RELATED NEWS
