Listen Now: 
Rautaki Maori a Te Tumu Whakaata Taonga
E hiahia ana Te Tumu Whakaata Taonga ki te mahi tahi me nga Maori hanga kiriata kia whanake ake ai nga puukenga Maori tae atu ki nga kiriata Maori. Kua whakarewa ratou i taa ratou Rautaki Maori, a, hei taa to ratou mangai i te whakarewatanga i te whare paaremata inapo, a Kerry Prendergast, ko tenei rautaki te hua o a ratou hui maha ki nga kaihanga kiriata Maori i roto i nga marama nei.
Kawa haere te Tari Whakahiato Ora
Kua roa te ahurea i roto i te Tari Whakahiato Ora e hee ana, e kawa haere ana. Koira taa Veronica Henare, tumu whakahaere i nga kaupapa whanau ora a MUMA. Hei taana, i etahi wa, ka huri tuaraa nga kaimahi o taua tari ki nga whanau e raru nui ana, katahi ka kii, me haere era whanau ki a MUMA ki te kimi awhina, ahakoa i tona tikanga, ma te Tari Whakahiato Ora ke aua whanau e awhina, e tautoko.
Te waipuke ki Rotorua
Hei te ra nei ka haere nga kaimahi o te Kaunihera o Rotorua ki tena whare, ki tena whare o te takiwa i raru nui i te waipuke i nga rangi whakataa. Hei taa ratou, he haerenga tenei na ratou kia kite ai mena e pai ana nga kainoho i aua whare, otira, kia taea ai eratou nga maharahara, nga amaimaitanga o aua kainoho te whakamaauru. Hei taa ratou, tera pea he maha nga marama ka hipa i mua i te whakatikatikatanga o etahi whare. Nei ra a Rawiri Waru o Rotorua.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2018, UMA Broadcasting Ltd: www.waateanews.com
RELATED NEWS
