Listen Now: 
Te mahana haeretanga o te ao
Kei te mārama te iwi Māori ki ngā mōreareatanga o te mahana haeretanga o te ao me te āhuarangi. Koirā tā te toihau takirua i te Kaunihera Ora Taiao, tā Rhys Jones, whai muri iho i te hui a te Kāhui Rangatira-ā-Iwi i ngā rangi whakatā nei, ko te āhuarangi te kaupapa. I kōrero a Jones ki a rātou, ā, hei tāna, kei te kite-ā-kanohi ngā iwi i ngā tohu o te rerekē haeretanga o te taiao, arā, i te pikinga o te ūpoko o te tai, te ngau a Hinemoana i te whenua, me te kino haere, te haurakiraki haere o te huarere.
Raweke pūtea a Saul Brendon Roberts
Kua herea tētahi o ngā tarahiti ō mua o te Mana-ā-Iwi o Te Kawerau Iwi ki tōna kainga mo te waru marama, hei whiu mo tana whakaae ki te moni ki te panoni i ona whakaaro e pā ana ki ngā rautaki a taua roopu, te raweke pūtea, tae atu ki te raweke i wā rātou tono kia tītaha mārika ki ētahi o ōna hoa. Tāpiri atu ki tēna whiu, i tohutohu te Kooti i a Saul Brendon Roberts ki te whakahoki i te kotahi rau, ono tekau mano tāra ki te Tarahiti o Te Roopu Taurima O Manukau, he tarahiti e manaaki ana i te hunga hauā.
University ngā Wānanga Māori
Kua mana te hiahia o ngā Wānanga Māori kia kiia rātou he university ki te reo Pākeha. I mana tēnei hiahia i raro i ngā panonitanga ki te pire mātauranga, i tau ki te whare pāremata inapō mo tana pānuitanga tuatoru. Heoi, hei tā te Minita i ngā take Mātauranga, a Chris Hipkins, kua whakatūria hoki ētahi whakamātautau kia kounga ai te wānanga i mua i tana whakamahi i te kupu University.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2018, UMA Broadcasting Ltd: www.waateanews.com
RELATED NEWS
