March 30, 2023
Listen Now:
Home » News

December 05, 2017

Te mana whenua ō Tāmaki

Waatea Team Posted On December 5, 2017
0

Watermark Te mana whenua ō Tāmaki
Role Funding:

Te mana whenua ō Tāmaki

Mai rā anō te pokapū o Tāmaki e tohea ana. Koirā tā te Toihau o te Kāhui Iwi o Marutuahu, tā Paul Majurey. Hei tāna, ka nui rā tana tautoko i te whakatau a te Kooti Pira, arā, kaore i a Ngāti Whātua Ōrākei anake te mana whenua ki te pokapū ō Tāmaki. Hei tā Majurey, ehara i te mea ko Marutuahu anake e whakahē ana i te kokoraho a Ngāti Whātua, kei a rātou anake te mana ki te pokapū ō Tāmaki.

 

Te Whānau Pou Toru

Kua hāpai te Whare Wānanga o Tāmaki i te hōtaka Whānau Māori hou a Hauora Ngāti Hine, ko Te Whānau Pou Toru te ingoa. Hei roto i te hōtaka nei, ka ako ngā whānau ki ngā āhuatanga o te noho hei mātua, me pēhea te whakawhanaunga atu ki ngā tamariki, me ngā momo whanonga o ngā tamariki. Hei tā Gwen Tepania-Palmer o Hauora Ngāti Hine, ko te iho matua o te hōtaka, ko te whānau kei mua i te tangata kotahi.

 

Te mātauranga Māori ki rō akomanga

Mai rā anō ngā kaiako e kimi māramatanga me pēhea tā rātou whakaū i te mātauranga Māori ki roto i o rātou akomanga. I hua ake te kaupapa nei i te Kurutetenga Mātuaranga Iwi Taketake i tū ki Te Whanganui-ā-Tara i te wiki nei, na te roopu Te Riu Roa i whakahaere. Hei tā Hemi Dale, Ūpoko o Te Puna Wānanga i Te Whare Wānanga o Tāmaki, ko te mea uaua o te whakaū i te mātauranga Māori ki roto i te akomanga, ko te kimi māramatanga i te tuatahi, he aha koia pū te mātauranga Māori.

 

Whakahē kia mahi te tangata mo te penihana

Hei tā te Minita i ngā Take Mahi a Willie Jackson, i a ia e Minita ana, tino kore rawa atu nei ia e whakaae kia mahi te tangata mo te penihana, engari, e whakaae ana ia ki te wairua o te whakaaro o te Minita Whakawhanake Rohe, arā, o Shane Jones, kia whakatū kaupapa motuhake e hāngai pū ana ki te kimi mahi ma te tokomaha o ngā Māori e kore mahi ana i tēnei wā. Nā Jones te karanga kia mahi te tangata mo te penihana, ēngari, hei tā Jackson, kei a Jones tēna whakaaro, he rerekē ō Jackson.

Follow us on "p_facebook" & "p_twitter"

Copyright © 2017, UMA Broadcasting Ltd: www.waateanews.com

RELATED NEWS

Prime Minister Jacinda Ardern talks to Dale Husband; Visiting Ihumaatao not ruled outPrime Minister Jacinda Ardern talks to Dale Husband; Visiting Ihumaatao not ruled out Minister holds off on passing Te Ture Whenua Bill ... for nowMinister holds off on passing Te Ture Whenua Bill … for now One vote to keep Maori Party strongMaori Party sells access to PM



Author

Waatea Team

Radio Waatea is Auckland's only Māori radio station that provides an extensive bi-lingual broadcast to its listeners. Based at Ngā Whare Waatea marae in Mangere, it is located in the middle of the biggest Māori population in Aotearoa.
Read Next
  • - Advertisement -

  • Search

    • Keyword

    • Post Date

    • Category

    • Tag