Listen Now: 
Hoko whare a Ngāti Whātua Ōrākei
Kei te hoko a Ngāti Whātua Ōrākei i ngā whare kāwanatanga kaore i uru ki tāna whakataunga Tiriti o Waitangi. Kei te whakapau rātou i te tekau mā ono ira kati rima miriona tāra ki te Kaporeihana Whare o Aotearoa, kia riro anō ai i a rātou ngā whare i ngā huarahi o Hawaiki me Kupe. Hei tā Ngarimu Blair o Ngati Whatua, mā te hoko i aua whare me te whenua, ka piki anō te mana o te iwi
Rongoa hou mo te mate huangō
E tumanako ana ngā mātanga mate huangō, ma te putanga mai o tētahi rongoā hou ka kaha ake tā rātou whawhai ki taua mate. Kei te kōtihi o ngā tatauranga a Aotearoa mo te tokomaha o a tātou tamariki e pāngia ana e taua mate, ko te nuinga o rātou he tamariki Māori. Kua tīmata a Pharmac ki te hoko i te rongoā Breo, mei kore e tūpono ka puta he hua i taua rongoā ki ngā tūroro mate huangō.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
