Listen Now: 
He whakapaahaa kei te haere
E whakarite ana nga uri o Rua Kenana kia whakapahaa te Karauna ki a ratou mo nga hee ki to ratou tupuna. Hei taa te mangai mo te Tarahiti Ahuwhenua o Maungapohatu a Richard Tumarae, kei te whiriwhirihia tonutia te ra e puta ai te whakapahaa me te ahua o nga kupu o te whakapahaa i tenei wa, engari, ko te tino kaupapa he whakapumau, he whakauu ano i te mana o Kenana, otira o te hapori o Maungapohatu.
Pehea ngaa whanau o te uru o Tamaki Makaurau?
E ai ki te hunga e whakamahi ana i te Pokapu Whanau o Te Whanau o Waipareira i te uru o Tamaki, kaore e arikarika nga hua e puta ana i taua Pokapuu ki a ratou. Kua rangahaua e te Whanau o Waipareira nga whakaaro o aa ratou kiritaki, a, he pai katoa nga korero kua puta. Hei taa Takuta John Huakau o Waipareira, e rima tekau ma rima oorau o a ratou kiritaki he Maori.
He puurongo hou taa Te Pou Matakana
Kua whakarewahia e Te Pou Matakana tana purongo hou e whakatakoto ana i te ara hei whai ma te Kawanatanga e pau ai ana putea ki nga waahi tika o te rangai hauora Maori. Ko Takuta Te Kani Kingi tetahi o nga kairangahau i nga korero mo tenei purongo.
He raa whakahirahira kei te haere
Ka tuu nga kapa haka toa e rima o te motu ki Te Kapua i Tamaki Makaurau hei tenei ra horoi. Ko te kapa whakaihuwaka a Whangara Mai Tawhiti me te kapa i tuarua, a Te Waka Huia etahi. Ko te kaupapa, kia kite ai nga apataki raiona i te taumata o te kapa haka. Hei taa Carl Ross, tahuhu rangapu o Te Matatini, ka riro ma Te Wharekura o Hoani Waititi tenei huihuinga whakahirahira e whakapuare.
Me puta a Ngatata Love
Kua muhore te tono kia puta mai a Taa Ngatata Love i te whare herehere. Kei Rimutaka ia mo te raweke i te putea a te Tarahiti Tekau o Te Whanganui-a-Tara.
He hui wai maori nui
Kua tohua te ra i puta mai ai te whakatau i kiia nei, ko te Huakina judgment, he whakatau i panoni i taa Aotearoa whakahaere i te wai Maori me te taiao. Na Kahurangi Nganeko Minhinnick raua ko tana roia i taua wa a Sian Elias, te kaupapa mo te tiaki i te wai me te taiao i kokiri, toru tekau tau ki muri. I mate a Miinhinnick i nga wiki tata nei. Hei taa te toihau o mua o Te Ara Taura o Waikato Tainui a Rahui Papa, na raua i rereke ai te ahua o te Ture Whakahaere Rawa o tenei whenua.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
