June 20, 2017
Ngaa whakahoutanga pire ture whenua maori
Ngaa whakahoutanga pire ture whenua maori
E whanga tonu ana te ture whenua Maaori ki roo paaremata i teenei wa. E aii ki a Maarama Fox, kaiarahi takirua o te RTM, ko ngaa hui-a-rohe kia maarama te iwi ki teenei ture, he mea i takaroa ai te kookiritanga o teenei ture.
He raa nui inanahi
World Refugee Day – Te raa whakamaumahara i te hunga taurewa o te ao. Koinei te ra, ka whai whakaaro nui taatou mo te hunga taurewa, te hunga i whakareerea ai wa raatou kainga, whenua anoo hoki, na ngaa take tuukino, raupatu raanei ki ta raatou whenua. E aii ki a Sue Nikora o Te Tairaawhiti, he pai te tuku mihi, te whai whakaaro ki teenei hunga i piikautia teenei take, heoi anoo, maa taatou te Maaori, me aata titiro ki ngaa taangata e haeremai ana ki Aotearoa nei, he nui ngaa mooreareatanga ki waho raa.
Me pehea te kapa maori e anga whakamua?
Akene pea he mataku too te poari whutupooroo, kei toa te kapa Maori. koinei te whakapono aa eetahi na te whakangakau-kore a ngaa kaiwhakahaere whutupooroo ki te whakatuu keemu haratau i mua i ta raatou tukinga ki te kapa Raiona, i te Raahoroi kua mahue ki muri. Koiraa hoki te tirohanga aa Hemana Waaka, maatanga haakinakina. Hei taana, he mahi paarure kee teenei a te poari whutupooroo o Aotearoa ki to taatou kapa Maori.
Te whakapootaetanga Panekiretanga
I ngaa rangi tata nei, i tuu te whakawhiwhinga tohu ki te hunga kua puta ngaa ihu i te kaupapa reo Maori o Te Panekiretanga o te reo, ka mutu, i powhiritia teenei hunga i te roopuu hou e hiahiatia ana te whai i teenei tohu hei teenei tau. E aii ki a Paraone Gloyne, Tautoohito o te reo Maaori no Ngaati Raukawa, He oranga nui i roto i te kaupapa reo Maori a Te Panekiretanga o te reo.
He kaupapa nui mo Te Reo Irirangi o Te Upoko
I roto i ngaa kaupapa whakanui i ngaa tau toru tekau a Te Reo Irirangi Maaori o te Upoko o Te Ika, ka whakahoonore anoo hoki i a Erana Hemmingsen kaimahi oo mua mo te reo irirangi nei. Kei a Adrian Wagner, kaiwhakahaere o te reo irirangi o Te Upoko o te Ika ngaa whakamahuki.
Greenpeace e ai kia Hinekaa Mako
E horokukuu ana te roopu Greenpeace, he mea koorero noa iho te whakapae aa te kamupene o Fonterra, ka aronuitia te kawenata aahuarangi i whakatuu ai i teera tau ki roto o Wiiwii Whenua.
Copyright © 2017, UMA Broadcasting Ltd: www.waateanews.com