Listen Now: 
June 15, 2017
E rere ana ngaa poroporoaki kia Kahurangi Nganeko Minhinick
Waatea Team
Posted On June 15, 2017
E tangi ana mo Kahurangi Nganeko Minhinick
E tangi hotuhotu ana te ao Maori ki te Kahurangi o Ngaati Te Ata, ki a Nganeko Minhinick, kua hinga nei, e whitu tekau ma whitu oonaa tau. Nana te tono tiriti mo te whanga o Manukau i kokiri ki mua i te aroaro o te Roopu Whakamana i te Tiriti i te ngahuru tau waru tekau. Hei taa Raahui Papa o Waikato Tainui, he wahine maia a Nganeko Minhinnick i pakanga mo nga take taiao, me nga take mana whenua.
Te kaupapa o Waitangi ki Te Tii
Me hoatu te mana whakahaere i nga tikanga okawa i te ra o Waitangi i runga i te marae o Te Tii, ki tetahi taumata rangatira o Ngapuhi. Koira te whakaaro o te kaiarahi i a Mana o Hone Harawira. Hei taa Harawira, me tango te mana whakahaere i te Tarahiti o te marae. Hei taa Harawira, e matangurunguru ana ia, kei te nekehia te powhiri okawa ki te papa o te tiriti a tera tau.
Kei te anga whakamua Te Whanau A Apanui
Kei te hui Te Whaanau-a-Apanui hei enei rangi whakataa nei ki te kowhiri taangata hei amo ake i taa ratou tono raupatu ki te aroaro o te Karauna. Ko Rikirangi Gage te maangai mo Te Whaanau-a-Apanui.
Tino hee te mahi a Te Reo Taataki o Aotearoa
E karanga ana te roopu Kakariki ki Te Reo Tataki o Aotearoa kia whakaaro ano ratou i taa ratou whakatau kia poroa te turanga o te Komihana Maori. Hei taa te kaiarahi i Nga Kakariki a Metiria Turei, ahakoa e kii ana Te Reo Tataki ka uu pono tonu ratou ki te whakapaaho hotaka Maori, me pehea ke ra hoki e tutuki ai tera korero, mena ra kaore he komihana Maori i waenganui i a ratou. Nei ra a Jack McDonald o Nga Kakariki.
Matatini ki te Tai Tokerau
Me timata Te Tai Tokerau ki te whakariterite mo te taenga atu o te whakataetae Te Matatini ki to ratou rohe hei nga tau tata e tu mai nei. Koira te aaki a Te Waihoroi Shortland, heamana o te runanga o Ngati Hine.
Kore rawa a Ngaiterangi e tuohu
Kei te whakahee a Ngai Te Rangi i te whakaritenga a te Karauna e tuku nei i tetahi wahanga o te mana moana o Tauranga ki nga iwi o Pare Hauraki. Nei raa a Charlie Tawhiao o Ngai Te Rangi.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
