E tautoko ana ngaa mangai matua i a Te Ikaroa

E tautoko ana ngaa mangai matua i a Te Ikaroa

Kua tahuri te kaiarahi takirua i te RTM, a Marama Fox ki te tautoko i te roopu porotuu e kiia nei ko Te Ikaroa kua tae atu nei ki te hui taimoana a Te Whakakotahitanga o te Ao ki New York, ki te tuku petihana ki nga mangai Kawanatanga o Norway. Ko te kaupapa o taa ratou petihana, kia hoki atu a Statoil, umanga hinu no Norway, i te rohe o te Tai Ra Whiti ki te kainga. Hei taa Fox, he maha nga roopu me nga hapuu o te Tai Ra Whiti e tautoko ana i te petihana.

He poroteehi motuhake ki te rawhiti o Tamaki Makaurau

Kei te whakahaere porotuu te Komiti Maori o Te Raki Pae Whenua ki waho i te marae o Awataha hei te ra hina. Hei taa te Komiti, kua uu atu nga uri o te whanau o Arnold Manaaki Wilson ki te whakahaere i te marae, me te aha, kaore ratou i te whakawaatea i te marae ki nga kaupapa a te hapori Maori o Te Raki Pae Whenua, pera i nga hui, nga tangihanga me nga wananga.

He kaupapa nui ki Parihaka

Ka tae atu te Karauna ki Parihaka i te ra nei, ki te whakapaaha ki nga uri o taua papa kainga. Nei raa a Ruakere Hond, mangai mo Parihaka.

Aotearoa, Plain Packaging

Hei te marama o Poututerangi a tera tau, me more nga mookihi tupeka, ara, kaore he tuhinga, kaore ranei he pikitia kotahi i runga. Ka kaakaariki me te haaura te tae o nga mokihi, a, ka mau he whakatupato ki runga. Hei taa te Minita tuarua i nga Take Hauora a Nicky Wagner, ia tau neke atu i te rima mano uri o Aotearoa nei ka mate i nga momo mate e whai paanga ana ki te tupeka. Kei te tautoko te RTM i te moretanga o nga mokihi tupeka

No Tuhoronuku te hee?

E mea ana te toihau o Tuhoronuku, a Hone Sadler, e rite ana ratou ki te amo i te tono raupatu a Ngapuhi, a, kei te tuwhera te kuaha ki te roopu o Te Kotahitanga o nga Hapu. Heoi, hei taa Dover Samuels, kaitoorangapu oo mua no Ngapuhi… no nga mangai o Tuhoronuku te hee e huri tuaraa nei te Kawanatanga ki te tono raupatu a Ngaapuhi.

Ko Waikato-Tainui e tautoko ana i ngaa uri o Parihaka

Ka tae atu te Karauna ki Parihaka i te ra nei, ki te whakapaaha ki nga uri o taua papa kainga. Hei taa Rahui Papa o Waikato Tainui, tokomaha ratou e haere ana ki Parihaka ki te tautoko i te kaupapa o te ra.

Follow us on &

Copyright © 2017, UMA Broadcasting Ltd: www.waateanews.com

RELATED NEWS

Ngati Hako fights tip expansion Charter school experiment costing Maori in mainstream Views sought on Maori literacy