Mokopuna Ora ki te tonga o Tamaki Makaurau

Mokopuna Ora ki te tonga o Tamaki Makaurau

Kei te kawea te kaupapa Mokopuna Ora a Waikato Tainui me te Manatu Oranga Tamariki ki Tamaki Makaurau. Hei taa Rahui Papa, toihau o Te Arataura, e ono tekau oorau o nga tamariki e tiakina ana i roto i nga tari o te Manatu Oranga Tamariki, he Maori, heoi, hei taana, na te mahi tahi a Waikato Tainui me te Manatu i kitea ai he whanau hou mo te kotahi rau, whitu tekau ma toru o era tamariki. Inaianei ka haria te kaupapa ki Tamaki, a, ka tuu ki Papakura, na te mea, kei reira te tokomaha o nga tamariki no Waikato Tainui e noho tari Manatu Oranga Tamariki ana.

Kei hea ngaa roia maori motuhake?

He aha koia te take e ruarua noa iho nei nga roia Maori e eke ana ki te taumata o te QC. Koira te patai a Mamari Stephens, pouako ture o te whare wananga o Wikitoria. Hei taana, mai ra ano i te tau waru tekau ma waru, kotahi anake te Maori kua eke ki te taumata o te QC, ara, ko Kahurangi Lowell Goddard, a, i tenei tau, ko taua ahua ano ra, kaore he Maori e QC ana.

Tiaki tinana i ngaa waa katoa

Kei te huri haere te roopu Te Kaha o Te Rangatahi i nga rohe o te motu ki te korero ki nga taiohi mo te tiaki i o ratou tinana i te wa o te onioni. Ko Karena Koria tetahi o nga kaimahi o Te Kaha o Te Rangatahi.

Te Kura Pounamu, Ngaa tohu Pukapuka o Aotearoa

E iwa nga pukapuka kua whai waahi ki te whiringa toa mo te tohu Te Kura Pounamu i Nga Tohu Pukapuka Taiohi o Aotearoa mo tenei tau. Ko Anahera Moorehu, tetahi o nga kaiwhakahaere i te whakataetae nei. Hei te tekau ma wha o Paengawhawha panuitia mai nga toa.

Kia whai hua ngaa pakihi pakupaku

Kei te haere te Kawanatanga ki Kaitaia me Whakatane ki te whakatairanga i waa ratou kaupapa hei awhina i nga pakihi nohinohi. Hei taa te Minita, a Jacqui Dean, kua tae ke atu te whakaaturanga pakihi nohinohi a te Kawanatanga ki nga rohe huhua, puta noa i te motu, kia mohio ai nga pakihi nohinohi me huri ratou ki a wai, ki hea ranei ki te kimi tautoko. Hei te tekau ma toru o tenei marama ka tuu te whakaaturanga ki Kaitaia, hei te tekau ma wha ki Whakatane….

He hononga taa ngaa moutere ki te Paati Maori

Kua tahuri nga uri o te Moana-nui-a-Kiwa ki te tautoko ookawa nei i te RTM. Ko Taniafimui Mate no Tonga, te mangai mo tenei hononga.

Follow us on &

Copyright © 2017, UMA Broadcasting Ltd: www.waateanews.com

RELATED NEWS

War stories sought for legal action TPP too risky for Maori Party Parata slates karanga protest