June 05, 2017
He honore taapiri mo Taa Timoti Karetu
He honore taapiri mo Taa Timoti Karetu
Hei taa to tatou Taa hou, a Taa Timoti Karetu, ko tenei tohu aana he whakanui i te tokomaha kua awhina i a ia i roto i nga tau maha ki te whakarauora i to tatou reo Maori. Hei taana, ahakoa nga tatauranga e kii ana, kei te heke haere tonu te taupori korero Maori, me upoko pakaru tonu te karawhiu kia ora i a tatou to tatou reo. Hei taa te Toihau o Te Wananga o Aotearoa a Jim Mather, mai ra ano a Ahorangi Karetu e noho ana hei tauira o te reo kia tika o te reo kia rere, o te reo kia Maori.
Kei te anga pehea a Ngaapuhi?
Kua hui Te Kotahitanga me Tuhoronuku ki te peremia ki a Bill English ki te korero mo te whakataunga tiriti a Ngapuhi. Hei taa te Upoko o Tuhoronuku a Hone Sadler, i pai te hui, e pai ana hoki te whakatau a te peremia kia waiho atu ma Ngapuhi ano a Ngapuhi e whakatika, kaua ma te Minita a Chris Finlayson me te Tari Whakatau Kokoraho Tiriti. Heoi, hei taa Pita Tipene o Te Kotahitanga, kei te huri tuaraa te Kawanatanga ki nga hapuu o Ngapuhi.
Ko Shane Taurima te mangai hou o te Paati Maori
No te ra tapu nei i whakarewahia ai te kaupapa pooti a Shane Taurima o te RTM. Kei te whai ia i te turu o Tamaki Makaurau. Nei raa te kaiarahi i te RTM, a Te Ururoa Flavell.
Moumou pooti mo Reipa
Kaua e tuku i waa koutou pooti ki a Reipa. Koira te whakahau a te kaiarahi i te roopu Mana a Hone Harawira.
He pukapuka maori hou
Kei te tuhia he pukapuka hou e titiro hohonu ana ki te ahurea Maori me te raweketanga oona e nga tuapapa ipurangi. Kei a Roihana Nuri o Te Karere, nga whakamarama.
He whakapaahaa kei te haere
Hei tenei wiki ka tae atu te Karauna ki Parihaka, ki te whakapaaha ki nga uri o taua papa kainga. Nei raa a Ruakere Hond, mangai mo Parihaka.
Copyright © 2017, UMA Broadcasting Ltd: www.waateanews.com