Listen Now: 
Kei te anga whakamua a Ngati Whatua Orakei
Hei taa Ngati Whatua Orakei, ka taea e ratou tetahi kaahui whakangao te whakaemi hei hoko i te wahapuu o Tamaki. Ka eke te utu mo te hoko i te wahapu ki te piriona taara. Hei taa te mangai mo Ngati Whatua Orakei a Ngarimu Blair, e rikarika ana te iwi ki te hoko ano i nga whenua me nga papa moana i raupatungia ai i a ia ratou i nga tau o mua.
Ka piki te nama o te maori
E ai ki a Tatauranga Aotearoa, ka tekau ma waru oorau te rahi o te iwi Maori i roto i te taupori whaanui o Aotearoa hei te tau rua mano toru tekau ma waru. He pikinga rua oorau tera i te tekau ma ono oorau o te wa nei. Kotahi miriona taangata ano ka noho ki tenei whenua hei te tau rua mano toru tekau ma waru, no reira ka eke te taupori whaanui ki te rima miriona taangata.
Kua hoki mai te rangatira takirua o te Paati Maori ki te kainga
I whai hua te haere ki Maareia i tera wiki. Koira taa Te Ururoa Flavell, Minita Whakawhanake Maori.
Nga pakanga Mareia, Vietnam
Kua karangahia etahi matanga pakanga hei awhina i te kaupapa rangahau e pa ana ki te whakahokinga mai o nga tupapaku o nga hoia i mate i nga pakanga i Mareia me Vietnam ki te kainga. Hei taa Minita Kawanatanga Craig Foss, ka whai hua te rangahau i nga mohiotanga o aua maatanga. Katahi ano te Minita Whakawhanake Maori a Te Ururoa Flavell ka hoki mai i Mareia.
He tatauranga iwi taketake hou
Kei te whakapataritari nga matanga tatau taangata o nga iwi taketake o te ao, i nga huarahi rangahau me nga haatepe e whaaia ana hei kohikohi i nga tatauranga mo nga iwi taketake. Ka tuu te hui-a-tau a Nga Pae o Te Maramatanga hei tenei wiki, a, hei taa Taakuta Tahu Kukutai o Te Whare Wananga o Waikato, kaore i nga iwi taketake te mana whakahaere i te nuinga o nga rangahau, kaore hoki i a ratou te mana ki nga tatauranga ka puta i aua rangahau.
He pukapuka hou taa Taakuta Rangi Mataamua
Hei tenei ra apa ka whakarewahia te pukapuka hou a Taakuta Rangi Matamua mo te whanau marama, ara, mo nga whetu me te marama. Anei ra he kumamatanga.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
