Tuuru maori motuhake ki ngaa kaunihera a rohe puta noa te motu

Tuuru maori motuhake ki ngaa kaunihera a rohe puta noa te motu

E tautoko ana te kahika o Tamaki a Phil Goff i te whakatau kia haria te tohe mo nga tuuru Maori ki runga Kaunihera-a-rohe ki te whare paaremata. Kua tangohia te pire a Marama Davidson o Nga Kakariki, i te pouaka pire motuhake, a, ko te ngako o taua pire kia whakatuuria he tuuru Maori ki nga Kaunihera o te motu. Hei taa Goff, ko te mea pai o te pire nei, ka riro ma te whare paaremata nga turu Maori e whakamana, kaua ma te hapori, pera i te hapori o Ngamotu i whakahee nei i te hiahia o Andrew Judd ki te whakatuu turu Maori ki to ratou Kaunihera.

He wero kei mua i ngaa mangai mo te tuuru o Te Waiariki

E hihiri haere ana te whakataetae i waenganui i a Te Ururoa Flavell o te RTM raua ko Tamati Coffey o Reipa mo te turu o Te Waiariki. Kua takoto i a Flavell te maanuka ki mua i te aroaro o Coffey, kia whakataetae tauomaoma raua, whai muri iho i te whakatau a te whanau o Coffey, he kaumaatua rawa no Flavell ki te kawe i nga kaupapa a Te Waiariki. Hei taa Coffey, na tona whanau tera korero, ehara i a ia, a, he pai ke atu ki a ia te whakataetae taupatupatu i te whakataetae tauomaoma.

Kia whai mana taatou ki te pooti

Kaua e wareware, i haere nga ika-a-whiro o te rua tekau ma waru ki te mura o te ahi kia whai mana ai tatou ki te pooti, no reira, me pooti tatou. Koiraa te whakahau a Pita Paraone o Aotearoa Tuatahi.

He hononga miraka hou

Kua whakarewa te umanga Maori o Miraka no Taupo-nui-a-Tia, i taa ratou inu hou ki roto o Kuala Lumpur i Maareia. He tohu tenei o te ngakau koorangaranga o Miraka ki te hoko i ana rauemi ki nga maakete o te ao. I reira te Minita Whakawhanake Maori a Te Ururoa Flavell mo te whakarewatanga, hei taana, ko te wawata kia angitu te inu hou nei, ko tona ingoa, ko Whai Ora.

Me anga pehea a Ngati Kahu?

E manako ana te toihau o Te Runanga o Ngati Kahu a Makere Mutu, kia kitea he ara whakamua mo te kokoraho a Ngati Kahu hei mua i te marama o Whiringa-a-nuku. Hei taana, i te tinihangatia ratou e te Minita i nga take Tiriti e Christopher Finlayson i nga marama nei, mea rawa ake, ka tangohia e te Minita te mana o te Runanga ki te whiriwhiri i te kokoraho a Ngati Kahu.

Te mate whakamomori he take nui

E tautokohia ana te tuu a Mike King ki te wero i te rautaki mate whakamomori a te Kawanatanga. Nei raa a Mike Naera o Te Ratonga Hauora o Ngati Pikiao.

Follow us on &

Copyright © 2017, UMA Broadcasting Ltd: www.waateanews.com

RELATED NEWS

Wairarapa Māori wary of irrigation Job initiative to tautoko rangatahi Haka dance threatre set for Otautahi