May 11, 2017
Kotahi rau miriona taara te hua mo te iwi
Kotahi rau miriona taara te wariu
Kei Wairoa te Komiti Whiriwhiri Maori o te Whare Paaremata i te ra nei e arotake ana i te whakataunga kotahi rau miriona taara e haere ana ki nga iwi e whitu o te rohe. Hei taa Leon Symes, Toihau o te Tarahiti o Tataou Tatou o Te Wairoa, e rua hoki nga ngahere e whakahokia ana ki a ratou i raro i tenei whakataunga, a, ka whakamahia era ngahere hei waahi mahi mo nga uri.
Paora Maxwell, e ai ki te mangai o Nga Aho Whakaari
E mihia ana te mahi a Paora Maxwell, tahuhu rangapu o Whakaata Maori, e wehe atu ana i tana mahi hei te marama o Hereturikoka whai muri iho i te toru tau ki te upoko o taa tatou taonga kaamehameha. Hei taa Christina Asher, toihau o Nga Aho Whakaari, i kaha a Maxwell ki te whawhai mo nga rauemi tautoko i te reo Maori i runga i Whakaata Maori.
Ka aronui ki te hunga mate hinengaro
Hei taa Reipa, mena ka Kawanatanga ratou ka arohaina te hunga mate hinengaro. Hei taa te Kaiarahi i a Reipa, a Andrew Little, wha tekau ma toru miriona taara ka whakaritea e ratou kia tuu ai nga ratonga mate hinengaro hou e waru, puta noa i te motu. Nei raa a Nanaia Mahuta, mangai torangapu mo Hauraki Waikato.
Kei te anga pehea a Ngati Kahu?
E ai ki te toihau o Te Runanga o Ngati Kahu a Makere Mutu, kei te tinihangatia ratou e te Minita i nga take Tiriti e Christopher Finlayson. Kua tangohia e te Minita te mana o te Runanga ki te whiriwhiri i te kokoraho a Ngati Kahu.
He whare herehere mo te maori
Kei te rere nga whakahee e pa ana ki te whakaaro kia whakatuuria he whare herehere mo te Maori anake. Ko No Pride in Prisons tetahi o nga roopu e whakahee ana. Hei taa to ratou mangai a Emilie Rakete, me aro ki te kaikiritanga me te poharatanga e uru atu nei te tokomaha o nga Maori ki te whare herehere. Kaore hoki a Tame Iti o Ngai Tuuhoe i te whakaae.
He haamene anoo too te maori
Kei a tatou aa tatou tikanga Maori hei whakatau raruraru, ehara i te mea, me porowhiu i te hunga kua hee, ki te whare herehere. Koira taa Ngaahiwi Toomoana, Upoko o Ngaati Kahungungu.
Copyright © 2017, UMA Broadcasting Ltd: www.waateanews.com