Listen Now: 
Ka whai hua ngaa marae katoa o te motu
Kua whai te Minita Whakawhanake Maori a Te Ururoa Flavell i te tekau miriona taara i te tahua putea a te Kawanatanga i tenei tau hei whakahou ake i o tatou marae. Hei taa etahi, ma te tekau miriona taara ka aha, engari, e harikoa ana a Tu McClean, heamana o te marae o Manurewa.
Kua rihaina a Paora Maxwell tumu whakarae o Whakaata Maori
Kua rihaina te tahuhu rangapu o Whakaata Maori, a Paora Maxwell. E ai ki nga korero, na te poari o Whakaata Maori ia i whakahau kia rihaina. Nei ra a Henare Kingi, tautohito papaho Maori. Hei taa te toihau o te Poari o Whakaata Maori, a Georgina te Heuheu, hei te mutunga o te tau ka timata ratou ki te kimi tahuhu rangapu hou. Ka mutu te mahi a Mxwell hei te mutunga o te marama o Hereturikoka.
Ngaa Takutai Moana o Aotearoa
E ai ki te peremia a Bill English, e kore pea te nuinga o nga kokoraho mo nga takutai moana o te motu e angitu. Neke atu i te rima rau kokoraho kua tae ki te kooti teitei, engari, hei taa English, me tino uaua rawa atu ka whakaae te kooti ki te whakamana i enei kokoraho.
Me heke te nama o ngaa manene
E utaina ana te kupu kaikiri ki runga i te roopu Aotearoa Tuatahi, whai muri iho i te whakatau a to ratou kaiarahi a Winston Peters i nga rangi tata nei kia heke iho te maha o nga manene e haere mai ana ki tenei whenua ia tau, i te whitu tekau mano ki te tekau mano noa iho. Nei raa a Pita Paraone o Aotearoa Tuatahi.
He tirohanga hou, kia whakatika i ngaa awa paruparu
Me aro nga rangahau ki nga tikanga Maori kia pai ai te kite rongoaa mo o tatou awa paruparu. Koira taa Te Taka Keegan o te whare wananga o Waikato.
He inu hou
E poukuriri ana te raonga hauora Maori o Awa Associates ki te whakamahinga mai o etahi ahuatanga o te ahurea Maori hei hoko atu i nga inu pungao, ara, energy drinks. Tera tetahi pakihi no Uruguay e hoko ana i taana inu, ko te Haka Energy Drink te ingoa, a, he moko kei runga i te kaaho hei minamina i te marea ki te hoko. Hei taa Papatuanuku Nahi o Awa Associates, he tino tokoreko tenei i te mana o te whakaputanga tika iwi taketake a Te Whakakotahitanga o te Ao.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
