Listen Now: 
Nga Tatauranga NCEA
Kua puta nga tatauranga mo te taha matauranga e pa ana ki te NCEA. Ko te nuinga o nga korero e hangai puu ana ki te kura maori o Manukura I te Papaioea. Kua eke ki te pae tuarua o te NCEA, St Joseph tetehi kura ano kei te pai te haere.
Maa te whanau e tiaki i te whanau
Mena ka taka te tamaiti ki te raruraru tukua ma nga whanau e tiaki e whakatika kaua e tukua ki te whareherehere. Koina tetehi o nga hiahia i te take te maha o maori kei roto te hinaki.
E rua nga reo irirangi maori
He rua nga Reo irirangi kei te kokiritia ko wai ka whiwhi i te tohu pai rawa ki te mahi whakapaoho. Ko te reo Ngati porou tetehi me Tumeke o Whakatane. Tetehi kaupapa e tino ngakau nuitia ana e te te reo o Ngati Porou. Ki te toro toro atu ki nga uri kei roto i nga taone nunui e noho ana, e whakahonohono i te katoa ki raro i te whakaaro kotahi.
Kia kaha ki te rehita ki te pooti
Koinei te tau pooti. Na reira, te tumanako kia whakaaro tatou katoa ki te reehita i nga ingoa ki runga te rarangi pooti. Hei ta Pita Paoraone o Aotearoa Tuatahi he tini nga maori kahore e rehita, kahore hoki e haere ki te pooti. Tautoko ai a i te ture ka oti te whakamana e Ahitereria.
Whakahokia mai ngaa koiwi hoia ki te kainga
Kua tata tae ano ki te wa maumahara ki nga hooia i haere ki nga pakanga o te ao. Tetehi kaupapa ngakau nui Kia Hemana Waaka e whakahoki mai i nga koiwi o nga hoia i mate i nga pakanga o Malaya me Vietnam ka tanumia i te motu o Malayasia. Hei ta Hemana Waaka waimaria kua whakaae te kawanatanga ki to ratou tono.
Kei te anga pehea a Ngapuhi?
Hei ta Shane Jones he nui nga raru i roti ia Ngapuhi me whakatika. Me whaia i te kaupapa a Ta Hemi Henare e ora ana me whakakotahi te iwi. Engari i tenei wa, ko tana hapu a Ngati Hine e rereke ana nga whakaaro.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
