Listen Now: 
Te mana whenua ki te pokapuu o Tamaki
E mea ana a Ngati Whatua Orakei ka wero ratou i te whakatau a te Kooti Teitei, kia kaua ratou e whai waahi ki nga whakataunga a Ngati Paoa me Marutuahu ki roto o Tamaki. Hei taa Ngarimu Blair o Ngati Whatua, kei te takahia nga tikanga tuku iho me nga tika tiriti o Ngati Whatua. Hei taana, no Ngati Whatua Orakei te mana whenua ki te pokapuu o Tamaki.
Tono a te Uepu Tohutohu Maori
Kua muhore te tono a te Uepu Tohutohu Maori o te Kaunihera o Tamaki kia whai mana tonu ratou ki te tiaki i nga waahi tapu o te takiwaa. Kua puta te whakatau i te Kooti Teitei e pa ana ki te hiahia o te Kaunihera ki te whakanano i te tono a te Uepu Tohutohu Maori. Hei taa te Kooti, e pai ana te rautaki kua whakatuuria e te Kaunihera hei tiaki i nga waahi tapu o Tamaki, ahu atu ana ki nga ra o anamata.
Pukapuka hou 'Maori Oral Tradition'
Kua puta he pukapuka hou e pa ana ki nga puukenga korero o te ao Maori. Na Jane McRae te pukapuka "Maori Oral Tradition, He korero no te ao tawhito" i tuhi, a, hei taana, ko te hihiritanga i tuhi ai ia i te pukapuka nei, ko tetahi mahi rangahau i oti i a ia i raro i te maru o Ahorangi Anne Salmond i te Whare Wananga o Tamaki.
Te tukinotanga o nga tamariki i nga tau o mua
E te Kawanatanga, me mutu te huri tuaraa ki nga whakahau kia whakatewhatewhahia te tukinotanga o nga tamariki i raro i te maru o nga tari Kawanatanga i nga tau o mua. Koira te aki a te Komihana Whakawhanaunga-a-Iwi, a Kahurangi Susan Devoy. E kii ana te peremia a Bill English, e kao, engari, hei taa Devoy, me mahi te whakatewhatewha kia whitikina ai nga whakapae tukino e te ra.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
