Listen Now: 
Taupaanga hou mate rumatiki
Kua hangaia e te roopu Kiwi Digital he taupaanga hou, ara, app, hei whakatairanga i nga whakatupato e pa ana ki te mate rumatiki. Hei taa te tahuhu rangapu o Kiwa Digital, a Steven Renata, i mahi tahi ratou ko te Ratonga Hauora o Counties Manukau, Te Kahui Hauora o te Motu me nga kura o te tonga o Tamaki kia oti ai tenei taupaanga te hanga.
Te ture whakahaere rawa
Kotahi te take e toe ana, katahi ka tautoko te RTM i te pire e panoni ana i te ture whakahaere rawa. Koira taa Te Ururoa Flavell, kaiarahi i te RTM. Hei taana, e hiahia ana ia kia whai mana nga iwi ki te kaupare atu i te mahi raweke ira, ara, i nga genetically modified organisms, i o ratou takiwaa.
Te noho a nga tuupuna i Tauranga
Na te ketuketutanga ake o tetahi awarua paa tuwatawata i te taha o te huarahi matua i Tauranga, ka marama ake te iwi ki nga ahuatanga o te noho a nga tuupuna. Koira taa te mangai mo Ngati Tapu, taa Puhirake Ihaka. Hei taana, ko te whakapae i tenei wa, he mea hanga taua awarua i te wa o nga riri whenua ki te Pakeha.
Te utu ki nga waahine me nga taane
Me ata korero tatou mo te whawharua i waenganui i te utu ki nga waahine me te utu ki nga taane. Koira taa Metiria Turei, kaiarahi i Nga Kakariki. Hei taana, mena ka tika te utu e haere ana ki te wahine, ka pai ake te tipu o ana tamariki, ka pakari ake te tuu a tona whanau. E ai ki nga tatauranga, ka whai nga waahine i te waru tekau ma ono oorau o te utu ki nga taane.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
