Listen Now: 
Hui Mate Ohotata
Na te tokomaha o nga matenga ohotata o nga peepee Maori kua whakatuuria he hui i tenei raa ki te marae o Whangaehu paatata atu ki Whanganui.
E mea ana a Katherine Clarke o te roopu whakatairanga hauora o Whakawhetu ehara i te mea he hui tera mo nga kaimahi hauora engari kua whai waahi hoki nga kaumaatua kuikuia o te rohe ki te korero.
Ahurei moana.
Ko tenei te waa ki te whakanui i te mana tuku iho o te Maori ki runga i te moana.
Koia te korero a te roopu Tuuruhi Whakatupu Ohanga o Taamaki Makaurau.
Ka tuu te tuatahi o nga Ahurei Herenga Waka o Taamaki a te marama o Kohitaatea hai taa kaiwhakahaere Vivienne Bridgewater atu i nga whakataetae waka, nga kaupapa puuoro,
te kapa haka me te kai ka whakaatu hoki i te tupu oohanga o te Maori.
Joyce mahi aa rehe.
E mea ana te Minita Whai Mahi a Steven Joyce kua whakaritea he huarahi ano mo nga rangatahi kaahore e ako ana i te kura araa ka whai kee etahi i nga mahi a rehe.
E mea ana a Joyce ma te aakonga pakeke ake e aarahi i o ratou hoa ako aa ka tuu ratou hai maangai korero mo nga take mahi a rehe ki o ratou haapori.
Te Atatu Marae?
Kua whakaroa i te hiahia mo tetahi marae ki Te Atatuu Taamaki Makaurau kia rongohia te kaupapa a nga uri ki te Kooti Matua.
Ko tetahi whenua ki reira whakatuu ai te marae e meingatia ana e te Kooti Piira kua ngaro aa horekau he hononga tuuturu o nga uri ki taua waahi.
Hai taa Dave Tanenui o te komiti whakahaere kua rima tekau tau te haapori Maori o reira e whakapau kaha ana ki te hanga marae ki Te Atatu.
Kaiwhakahaere rawa
Kia piki te mohiotanga o nga kaiwhakahaere rawa ki te whakarite i nga mahere tuumahi kia rite mai nga Maori tamariki ake ki te whakahaere i nga paamu, i nga ngahere.
Kei te kii etahi kairangahau me whakahauhau i nga taiohi Maori ki te titiro atu ki nga tuuranga mahinga whenua.
E mea ana ratou he nui te whenua i te puku o te Ika a Maaui kua whakatahangia hai whenua taonga puumau ma nga kaipupuri whenua e whakahaere.
Copyright © 2015, UMA Broadcasting Ltd: www.waateanews.com
RELATED NEWS
