Listen Now: 
Aarai tuukino
Kua tuu ake te roopu aarai tuukino o Te Kupenga ki te whakamihi atu ki nga kaituhi o etahi pukapuka mo te whakaratonga o nga hootaka hai aukati i nga mahi taikaha a te taane Maori.
Hai taa te maangai reo Maori o Te Kupenga a Takurua Taawera he uaua te mahi a nga roopu aawhina te nui nga taiapa, nga tumanakotanga e karo ana no reira kei a ratou te mahi nui.
Aukati whakatumatuma
Ka tautoko a Reipa i nga ture hou hai whakaruruhau i a Aotearoa kia kore e paakinotia e nga mahinga whakatumatuma.
Hai taa te rangatira o Reipa a Andrew Little kua whai waahi ratou ki te whakarerekee i etahi waahanga o aua ture ahatia e whakaae ana ki te piki moorearea ake o nga ahuatanga whakatumatuma ma o tatou tari whakamarumaru e whakautu.
Ka ripoata mai te roopu SIS ki te motu ia ono marama me te whaaiti ake o nga korero.
Heoi ano he aawangawanga tonu no Reipa ki te tere kookiri whakamua o te kaupapa here nei i roto o Paaremata.
Rena he korero ano.
Kua takahi te Karauna i te maataapono Tiriti o Waitangi o te hononga tahi i runga i te tika me te pono.
Koia te kitenga o te Taraipiunara o Waitangi i taa ratou puurongo whakamutunga mo te paenga o te kaipuke Rena.
Te ahua nei i haapaitia e te Karauna nga kaipupuri o te Rena ki tuuranga motuhake i te tukanga resource consent kei paakinotia pea me ona piringa ki a Otaaiti.
Hai taa te Taraipiunara tohutohu me whakarite huarahi te Karauna ki te whakaruruhau i nga hiahia o te Maori aa me aawhina i te Maori ki te whai waahi ki te tuukanga whakaaetanga o te resource consent.
Wero he waahi ako.
Ka tuu tetahi hootaka ki Manukau ko Wero te iingoa hai mahinga ma te haapori whaanui o Taamaki.
Ko nga ahuatanga whakangahau pera i te hoe waka me te kii a te toihau o te Whare Haapori o Manukau a Richard Jefferies ka kite nga rangatahi i nga wero a ahurea, a tinana o taua waahi ka whakaoho i te wairua.
Hai taa Jefferies ko te Kaunihera o Taamaki Makaurau tetahi o nga kaitautoko nui o te kaupapa nei.
Me mahi tahi.
Matapakihia whaanuitia te kaupapa mo nga tuuru Maori ki runga i nga Kaunihera ka tika.
Koia ano te korero a Andrew Judd koromatua o nga Ngamotu i tenei wiki me te nui o te tautoko mo te ahua o tana tuu te mea kee kua korerohia te kaupapa nei i Ahitereiria.
Heoi ano hai taa Maarama Fox o te Paati Maori kua aronuitia e te Taraipiunara o Waitangi he orite te tuu a nga iwi e rua Maori Paakeha i te hainatanga o te Tiriti o Waitangi me aro tetahi ki te haa o tetahi.
He tuuranga motuhake.
Kua tiipakohia ko Sonny Ngatai o te Kura Maori o Hato Paora ki te tuu hai maangai rangatahi o te roopu UNICEF.
Ko Ngaatai tera 18 ona tau kei te whakapuare i te whakaaro rangatahi ki o ratou motika tangata i tenei ao.
Hai taana he pai taua mahi hai puutaketanga mo muri atu.
Copyright © 2014, UMA Broadcasting Ltd: www.waateanews.com
RELATED NEWS
