September 15, 2014
He takoha whenua
He takoha whenua
Ka takoha a Te Uri o Hau i tetahi whenua ataahua ki te Kaunihera o Taamaki hai waahi whakaruruhau.
Ko te ngahere tera i te raki o Mangawhai te hoatutanga whenua, he takutai moana, he taipuu, he awa, he repo kei roto.
Koia tetahi waahanga o te whakaaetanga kia whai waahi te hapuu ki te mahi tahi ki o ratou hoa mo te whakaritenga o tetahi hootaka whakatuu whare, hanga papa hahau pooro hoki.
Hai taa te hapuu ano, ko taua ngahere te rawa nui o taa ratou whakataunga Tiriti o Waitangi i te tau 2002, te tikanga kia whakatupu nga hua oohanga hai painga mo Te Uri o Hau.
Tirohia te ture.
Aata arotakengia te puunaha o te ture whaanui te hiahia o te Paati Maori kia mutu ai nga momo whakahaawea a iwi ka kite i taua puunaha.
Hai taa Te Ururoa Flavell rangatira takirua o te Paati Maori kei te tautokohia ana korero e nga tatauranga, e nga rangahau o te waa.
Hai taana ano kia mauritau ake te puunaha o te ture me whakarite i nga tikanga Maori hai waahanga o taua puunaha.
Nga whakaritenga hou
I tenei ahiahi ka whakaputa i te mahere mo tetahi anga hou i Whakaata Maori.
Ki etahi korero e iri ana he kapua ki runga i etahi kaiwhakahaere o te teihana me te kii ka huunuku i to ratou whare mahi ki waahi kee.
Heoi ano hai taa Georgina Te Heuheu tiamana o te poari o Whakaata Maori he whakapae noa iho nga korero e taiaawhio haere ana i tenei waa.
He korero mo nga kura.
Kia maha ake nga Kura Kaupapa Maori e whakatuuwheratia ai, kaua ranei ko nga kura hourua.
Koia te hiahia o Pita Sharples Minita Take Maori ahakoa te whakaaetanga o nga kura hourua e whaa.
Hai taa Parata ma nga kura hourua ka rutu i te tapepe haere o nga aakonga Maori Pasifika i te kura.
Ahatia e kii ana a Sharples koia hoki te mahi a nga kura kaupapa i tenei waa.
Copyright © 2014, UMA Broadcasting Ltd