August 14, 2014
Ka tuu ki mua o te iwi.
Ka tuu ki mua o te iwi.
Ka whakahuihui i nga kaiwhakataetae o te Ikaroa Raawhiti apopo ki mua i te aroaro o Ngati Kahungunu.
Hai taa maangai korero a Taatere McCleod e whakatata ana ki te koowhiringa pooti:
TE KORERO: Taatere McCleod
https://secure.zeald.com/uma/play_podcast?podlink=MjExMjQ=
Rautaki whare
Ma nga rautaki maaroo ka whakatika i te maakete pupuri whare.
Koia te tirohanga a David Cuniliffe rangatira o te roopu Reipa mo te ngahorotanga o taua maakete.
Hai taana ano ko te kuhuna mai o nga taangata o taawaahi ki te hoko whare kei te whakapiko i te maakete me te utu o nga whare.
No reira e mea ana a Reipa me whakaatu nga kaihoko o taawaahi i nga hua e taka mai ki a Aotearoa mehemea ka hoko whenua ratou neke atu i te rima heketea te rahi.
Me harikoa ka tika
Kua oti i a Kaikoomihana Piriihimana a Mike Bush ana kupu whakapaaha te korero ki a Ruatoki otiraa ki a Tuuhoe hai taa Hone Harawira o Ipurangi ManaVkoia tana maarohirohi ka tika:
TE KORERO: Hone Harawira
https://secure.zeald.com/uma/play_podcast?podlink=MjExMjU=
Motukaa mau hukapapa
Kotahi rau rima tekau taara te whakawhiu ki te tangata ki te kore e aata uukui te hukapapa i te matapihi o tana motukaa.
Na runga i te makariri o te waa koia te whakatuma a nga piriihimana me te mohio kei mate te tangata ina haere kaapoo ai i te huarahi.
E kii ana te tari i nga waa o te hukapapa e kore ratou e whakarongo ki nga karo a te tangata ukuitia, horoia te matapihi kia kite whakawaho.
Maharatia nga riri
A te wiki e tuu mai nei ka tuu te hui nui o te Koroneihana i te marae o Tuurangawaewae.
Hai taa Paraone Gloyne o Waikato Tainui ka whakaritea he waahanga ki te maumahara i nga pakanga o mua
TE KORERO: Paraone Gloyne
https://secure.zeald.com/uma/play_podcast?podlink=MjExMjY=
He hoiho pai
Ki nga korero o te waa he pai nga tirohanga a te motu ki te kiriata e mohiotia nei ko Dark Horse.
Hai taa Tainui Stephens ka koa te ngaakau aa, ka kawe i taua whakaaturanga ki te ahurei kiriata o Toronto akuanei:
TE KORERO : Tainui Stephens
https://secure.zeald.com/uma/play_podcast?podlink=MjExMjc=
Copyright © 2014, UMA Broadcasting Ltd