Listen Now: 
He ratonga kei te whakawhaanuitia
Me pehea nga rangatahi whiwhi puutea kore mahi e whakahaere puutea, e penapena puutea.
Hai taa Heekia Parata ka whakawhaanui te kaawanatanga i taa ratou ratonga tautoko mo tera kaupapa nui:
https://secure.zeald.com/uma/play_podcast?podlink=MjEwMjc=
Ka whakahou i te Ture Whenua Maori
Kua whakarewa te Kaahui o nga Roopu Maori i taa raatou tirohanga a ipurangi i te raa nei ki te kapo i nga whakaaro o te iwi i runga i te tono kia whakarerekeetia te Ture Whenua Maori.
Ko tetahi hiahia kia whakapai ake te huamata o o tatou whenua no reira ma te tirohanga a ipurangi ka maarama ai he aha ko nga ahuatanga e hiahiatia ana kia moomona te whenua, kia nui ake te whakaputaranga.
Ka matapaki a FOMA i whakarerekeetanga e tonoa nei ki taa ratou hui a motu a tera marama.
Pou whakairo nui te waariu
Ko hokona tetahi pou whakairo tawhito ki Paris a tera marama.
E matapae ana 3 miriona taara ka tiikina mo taua taonga i kawea ki Uropi tata ki te rua rau tau ki muri.
He pakoko taua pou whakairo e hanga ana ki te raakau, 39 henemita te teitei, he makawe tangata nga makawe, e whakaraakaitia ana ki nga rau o te huia.
Koni atu i taua pou, ka hokona hoki ko te rongohua, ko te heitiki.
Ebola he mate kino
E whakarite tikanga ana a Aotearoa hai aarai i te kuhuna mai o te mate kino ko ebola tera.
Ka tirohia te hunga i haere ai ki te uru o Awherika i nga wiki e toru kua pahure atu nei.
E mea ana te tari hauora he rite ki taa Ahitereira nga tikanga e whakamahingia ana ki konei.
Kaati e kii ana te Kaahui Hauora o te Ao he matemate hopuhopu a ebola, ka hohoro te wherawhera.
He hui motuhake
I too te marino inapo koia te ahua o te hui taupatupatu torangapuu i te taone o Helensville.
I reira ko etahi o nga puu nunui o paaremata tae atu ki te piriimia me a ratou korero o te waa.
Hai taa Te Hira Paenga te tangata o Reipa mo te rohe o te Taitokerau i whakamaoritia te hui koia tana ahua:
https://secure.zeald.com/uma/play_podcast?podlink=MjEwMjg=
Tautokohia te hunga rangatahi
E tika ana kia kore utu te ako ki tetahi kura tuatoru, ahakoa waananga, ahakoa kuratini.
Koia tetahi kaupapa a te roopu Ipurangi Mana aa i korerohia taua kaupapa i Waihoopai i te po raa.
Ko Kimdotcom te kaikorero mo taua take i reira me tana kii mehemea ka piikautia nga rangatahi ki te utu nui mo te ako ina whiwhi tohu ratou e korekore ka titiro whakawaho te nuinga o ratou ki taawaahi I runga i tera korero ka rongohia te pakipaki a te whakaminenga i taua hui.
Copyright © 2014, UMA Broadcasting Ltd
RELATED NEWS
