Listen Now: 
Te reo tohu mo te hunga turi.
Kia kaha nga Maori ki te ako i nga puukenga mo te whakamaoritanga o nga tohu mo te hunga turi.
Hai taa Tania Simon e rua noa iho nga kaiwhakamaori tohu e mohio puu ana ki te reo Maori.
I wehea nga turi Maori i to ratou reo rangatira mo tetahi waa roa. Inaianei kei te huri haere te tai me te kii mehemea ka tuu nga kaiwhakamaori tohu matatau ki te reo ki runga i nga marae ka whakapuaki nga turi Maori ki nga kupu e korerohia ana i te reo Maori.
E tika ana te tuu.
He pai ake nga whakatau a nga rangatahi Maori o enei raa.
E mea ana nga kairangahau o te Whare Waananga o Taamaki Makaurau kei te huri i o ratou tuaraa ki te waipiro, ki te tarutaru, ki te tuupeka.
I korero hoki nga kairangahau ki te taitamariki me te kitenga 92 paiheeneti e kii ana ka rongo ratou i te aroha o o ratou maatua i te kaainga.
He hononga pai?
Mehemea ka kookiri whakamua te hononga e kiia nei ko te Trans Pacific Partnership tera pea ka haukotinga te mahere ki te whakarite i nga pouaka momore mo te tuupeka.
E mea ana a Jane Kelsey kairangahau o te ture ma te hononga TPP ka maamaa ake kia wero ai nga kamupene nunui o te ao i nga ture hou.
Koni atu i tera ka uaua ake mo nga roopu poroteehi ki te whakahee i nga mahi koowiriwiri whenua, keri hinu ranei.
Ka ahu pehea a Tua?
Kua hui a David Tua me te Roopu Toorangapu Maori ki te matapaki i tana tuunga mo te Paati Maori a tera tau.
Ki nga whakapae o te waa ka hoki a Tua me tana whakatau ki a Pita Sharples maa i te tau hou.
Ko te kuhuna o Tua ki te tetahi tuuru auraki i te tonga o Taamaki kua korerohia.
Te mana o te reo irirangi Maori.
E titiro ana nga reo irirangi Maori me pehea e whakahauhau ai te Maori kia pooti i te koowhiringa pooti a tera tau.
Hai taa Mike Kake tiamana tuarua o te Whakaruruhau te kaahui o nga teihana Maori kaua hai whakahaawea i te mana o te 22 o nga teihana a iwi.
Hai taa Kake kua kite i nga pooti kaunihera inakuaraa te awenga nui o nga reo irirangi Maori mehemea ka whai waahi nga teihana Maori ki te whakaara ake i nga kaiwhakataetae Maori.
Kei te heke te tatauranga mauhere.
E tika ana kia whakarite huarahi mo te whakahekenga o te maha o nga taangata ki roto whareherehere.
Koia te karanga a Kim Workman kaihautuu o te roopu tirotiro hara, tirotiro haamene.
Ki nga rangahau o te waa kaahore te iwi whaanui e whakaae ana ki nga tikanga maaro mo te rutu i nga hara o te tangata.
Copyright © 2013, UMA Broadcasting Ltd
RELATED NEWS
