Listen Now: 
September 16, 2013
He Raa Hou Kua Mahuta Ake I Te Pae Oo Reipa
Waatea Team
Posted On September 16, 2013
He tuu kua whakaoho i te wairua maaori o Reipa.
Koia taa te mema maaori o Te Taitonga a Rino Tirikaatene o Reipa, i te whakataetae kaingaarahu o Reipa
I te otinga ake i riro i a David Cunliffe te tuuranga kaiaarahi.
Ahakoa e rima tekau oorau te nui o te tautoko mo Shanes i ngaa koowhiringa pooti nei, hei taa Tirikaatene, kua whakaatuuria e Jones oona pukenga maha ki mua i te tini me te mano.
Ka mutu, ko Shane tonu tetahi o ngaa tino mema o te roopuu Reipa inaaianei naa.
Whakahouhia Te Ture E Taawharau Ana I Te Kaunihera Maaori.
Me kaua te ao maaori e titiro makutu atu ki te ture whakawhanake hapori maaori, erangi he toona waa, kia whakamoohoutia, kia whakarerekehia raanei etahi waahanga ngoikore.
Koia te whakatau aa te upoko o te Te Mana Akonga a Ivy Harper.
Koinei te ture e taawharau ana te kaunihera maaori, me te roopu o Ngaa Waatene, heoi e ai ki ngaa kitenga i ngaa hui arotake aa Te Puni Kookiri, e kore kore rawa te ao maaori e paingia ana kia paku tiini i tetahi waahanga o teena ture.
Hei taa Harper e kii ana, e tika ana ngaa hui arotake i teenei ture, naa te mea, i whaanau mai te ture nei i tetahi ao kee atu, kaaore ia e tino haangai ki te ao e noho nei te maaori i eenei raa.
Me Aroha Te Tangata, Tetahi i Tetahi.
Me aro taatou ki te haa o te tangata, otira, me aro hoki ki ngaa tumomo tikanga aa iwi kee.
Koira te kii mai aa Yoshihide Suga, mema paaremata o Hapaanii, whai muri mai i te aukatinga o Erana Te Haeata Brewerton, i tetahi puna kaukau i Hapaanii, naa te mea e mau ana moko ana a ia.
Hei taa te puna kaukau nei, koinei tetahi o ngaa ture o taua waahi, araa kia kaua ngaa taangata mau kirituhi e uru atu ki te puna wai nei.
Heoi hei taa Suga, ko te ia o teera ture, he aukati i ngaa keenge o Hapaani kaua ko ngaa tuumomo manuhiri peenei me Erana.
He Puhi Maareikura Naa Hine Raukatauri
I te poo o te parairie o teera wiki, i tuu te po tuku tohu maa ngaa kaiwaiata maaori o te motu.
I teera poo raa, hui ai ngaa whetu taarake o te ao puoro maaori ki runga o Ngaati Kahungunu, mo teera kaupapa nui taioreore.
I te otinga ake, ko Maisey Rika o Te Whaanau aa Apanui te tino me aana whiwhinga maha.
Hei taa Maisey, noona tonu te whiwhi, me tana mihi nui ki te ao maaori whaanui, mo taa raatou tino tautoko i a ia mai noa i tana timatanga mai i teenei ao puoro.
Ko Te Tangata E Kai Ana I Te Maatauranga, Noona Te Ao.
Ko Cassidy Ngahungahu noo Tainui Waka i whiwhi i tetehi karahipi kia haere ia ki Hapani ako ai, a teera tau.
Kei te kura tuarua tonu a Ngahungahu a, i whiwhi ia i te karahipi mo ngaa iwi taketake a te roopu Student Exchange o te motu.
Neke atu i te 13 mano taara te wariu o te puutea awhina a Ngahungahu mo tana haerenga ki taawaahi.
I tenei ata i tuu tetehi kaupapa tuku tohu maana ki tana kura, te kura tuarua o Waihora.
Copyright © 2013, UMA Broadcasting Ltd
RELATED NEWS
