Listen Now: 
He kaupapa i waihangahia ko Te Hiku Social Development and Wellbeing Accord tērā i tāhia e ngā kaiarahi iwi, te Peremia e John Key mē he mema minita paremata i Waitangi i ngā rā ki muri, nō tata nei ka hikoia whakamuahia ki roto i Te Whanganui-ā-Tāra i te tutakitanga ō ngā kaikawe i te kaupapa nei ki te taha ō ngā rōpū kāwanatanga tekau mā tahi, kia mana te noho ā ngā rātonga kāwanatanga kia mahi tahi ki te iwi ō Te Hiku kia hora te mahi takirua.
E tā Hugh Karena, heamana tuarua, nā tēnei kawenata, ka noho Te Hiku iwi ki te tēpū whakarite take ki te taha ō ngā rōpū kāwanatanga, mō ngā kaupapa hauora, ohanga, mātauranga, ture hoki kia whai reo i roto ngā kaupapa kei mua i te hāpori mē te tatohu ko tēhea te huarahi hei tango mē pēhea rānei te hangai tūāpapa aha atu hei whakapai.
Tērā hoki ko te mahinga tahi ō iwi ki te kaha karauna i roto i ngā mahere kaupapa mō ngā whakatupuranga ō Te Hiku i te heke e tā Karena.
Ko Raymond Subritsky, Hugh Karena ō Te Aupouri, Rangitane Marsden, Robert Tamati Ngai Takoto, Malcom Peri, Haami Piripi Te Rarawa.
Ko te mea nui, ko te mau ki te kotahitanga mō te mahitahi mō te painga ō ngā iwi ō Te Taitokerau e tā Haami Piripi.
Copyright © 2013, UMA Broadcasting Ltd
RELATED NEWS
