May 10, 2013
He kanohi hou kua uru atu ki te whakataetae koromatua ō Te Wairoa
Kua mana te kōrero ā Tini Fox, ka tū ia ki te whakataetae mō te tūranga Koromatua ō Te Wairoa haere ake nei i roto i ngā kōwhiringa pooti ā-rohe ā te kāwanatanga.
Ehara i te mea he tauhou ā Tini Fox ki tēnei tūranga, i te tau iwa tekau mā rima ki te tau rua mano mā tahi ko Tini te Koromatua ō te tāone ō Te Wairoa, ā, koia anō hoki tētahi ō ngā mema i noho hei kaikaunihera mō Nuhaka mē Te Mahia.
I whānau mai ā Tini i Te Wairoa, pakeke mai ana i Onenui mē Opoutama.
Neke atu i te whā tekau tau ā Tini e mahi ana, e takatū ana i roto i ngā mahi papāho ā-reo irirangi, reo takawa, pouaka whakaata, pukapuka hoki.
Ināianei, kua aro te titiro ki te hāpai ake ī tōnā hau kainga, i tōnā iwi hoki ki roto i ngā mahi ā-rohe ā te kāwanatanga.
E hiko ana te ngākau kua mārama te titiro ā Tini ki ētahi ō ngā ahuatanga hei whakapai ake i te noho ō ngā whānau e hinga atu ana ki roto i ngā whakahaere ā te Kaunihera ō Te Wairoa.
Copyright © 2013, Uma Broadcasting Ltd