Ka heke te rangatira o Whakaata Maori

Jim Mather, CEO of Māori Television. Image source: http://www.maoritelevision.com/about/about-maori-television/board-executive/jim-mather

Kua tōhua ā Jim Mather hai tāhūhū rangapu hōu mō te Wānanga ō Aotearoa.

E ono ngā tāngata i tātarihia mō te turanga ō te wānanga, nā wai rā ka puta te ihu ō te rangatira ō Whakaata Māori ōnāianei te uri hoki ō Ngāti Awa.

Ka whakakīngia e Mather te tūranga i mahue iho e Betham Ohia ō Ngāti Pūkenga.

Ko Jim te tangata i whakauru atu ki te tūranga tūmuaki ō Whakaata Māori i te marama ō Hui-tanguru i te tau 2005 hai hautu i te waka whakapaoho hōtaka ō Poutirirangi whakaata Māori ō te motu.

Nā Jim te whakapaohotanga ō te ipu whutupōro ō te ao, te kāhui ā ngā iwi taketake ō te ao, ngā whawhai mekemeke ā David Tua mē Shane Cameron, tae noa atu ki ngā rā whakaharahara nui ō ANZAC mē Waitangi i arataki, tae noa atu ki te rautaki hou ā whakaata Māori mō te ao tihi, te ao mati e rere nei.

Hai te pounga ō tēnei tau ka mutu ā Jim Mather ki Whakaata Māori, ā, ka timata mai i tana mahi hōu hai tūmuaki whakahaere i Te Wānanga ō Aotearoa.

 Copyright © 2013, Uma Broadcasting Ltd

RELATED NEWS

Schools to help with sweet science Good ideas confusing teachers Kohanga vision is more than te reo Maori