March 18, 2013
He kainga kē to te tini tamariki
Toru mano te tokomaha ō ngā tamariki kua atawhaitia e ngā kaupapa whakaruruhau ā te Manatu Tiaki Tamariki ō Aotearoa nei.
Katahi tonu nei, ka whakaputaina tētahi pūrongo e whakarārangi ana i ētahi kaupapa e tohu mai ana he maha ngā tamariki kei te tūkinotia e ngā whare rokiroki ā te Kāwanatanga, ngā whare whakaruruhau huri i te motu.
Kua whakaaturia mai e tētahi kohinga kōrero ā te Komiti Child and Youth Mortality ētahi tatauranga mō te tokomaha ō ngā taiohi, ō ngā tamariki kohungahunga kei te haumarutia i tēnei wā.
E meatia ana, ahakoa toru mano te tokomaha ō ngā tamariki kua manaakitia, ā, kua haumaru ake – e whakapaetia ana e te komiti nei, arā atu ano te tini mē te mano kāre ano i eke ki runga i ngā rārangi ā te Manatu Tiaki Tamariki.