Listen Now: 
Kapiti Island. Image source: www.trekearth.com
Kua huraina tētahi mokomoko tino onge ki te moutere ō Ngā Waewae Kapiti ō Rangitane rāua ko Tara.
E kitea ana tēnei momo mokomoko i te motu ō Mana mē ētahi waahi iti noa nei i waenganui i ngā kaenga ō Waitara mē Pātea i te rohe ō Taranaki.
Hei tā te Papa Atawhai i ohorere tō rātau kaimahi i tōnā kitenga ake i tēnei mokomoko i Kapiti.
Kare hoki i te mōhiotia i pēhea hoki te mokomoko i tae ake, ā, e whakaarohia ana akuni pea i haere mai i te moutere ō Te Mana ō Kupe.
Heoi anō ka tupu ake tōnā momo ki kō atu i te tekau mā whā henemita te roa, ā e noho ana ia i roto i te ngahere, te harakeke mē te manuka rānei.
E oho ana ia i te pō engari ētahi wā ka puta mai i raro i ngā hihi ō te rā.
