February 07, 2013
Kua pakaru pea te kamupene nui ō Mainzeal
Tērā pea, neke atu i te whā rau kaimahi ka koremahi i te rarunga ō te ūmanga hanganga ō Mainzeal.
E whā tekau tau te pakeke ō tēnei ūmanga, ā, koiā te ūmanga hanganga nui tuatoru ō te motu, i muri iho i ā Fletchers me Hawkins.
Ko Mainzeal tētahi ō ngā ūmanga i mate ki te whakatikatika i ngā whare e turuturuhia ana e te wai, ā, hei tā ētahi, koiā te take kua uru atu nei te ūmanga nei, ki te korokoro ō te parata.
Hei tā ngā kaiwhakahaere i te ūmanga, ehara i te mea kua totohu te waka, engari, ki te kore rātou e kimi Ngatoroirangi ākuanei, ka toromi te ūmanga.
Copyright © 2013, Uma Broadcasting Ltd