December 10, 2012
Te Ture mō te Takutai Moana
Ko te ture Marine and Coastal Area i puta i te tau rua mano tekau mā tahi te ture hou ō te ture Foreshore and Seabed.
Ko te tikanga kāore e āhei ana te kaunihera-ā-rohe ki te tāke atu i ngā whare i hanga i te wai.
Toru tekau mā iwa ō ngā whare i te Tai Tokerau ko ērā whare ahu moana me tētahi whare kai i Paihia me te whare kai maramara rīwai me te ika ō te koromatua ā Wayne Brown i Mangonui.
Ko te āhua nei, kāore i te pai tērā ki te koromatua tuarua ā Ann Court, ahakoa kei runga i te wai ērā whare, he whare tonu ko te tikanga kia utu noki ērā he aha te take horekau he tāke ki runga i ā rātou.
Engari anō mea nei ā Koromatua Brown horekau he take mō te tāke atu ō ērā ō ngā whare.
Kua rangahaua ētahi atu ō ngā kaunihera mō tēnei kaupapa engari anō horekau te nuinga i whakahoki kōrero mai.
Ahakoa tērā ka utu atu tonu ngā kaunihera ki aua tāngata e noho ana i te wai i ngā mea mō te putanga tūtae, me te wai.