Listen Now: 
December 06, 2012
Te Whanganui-ā-Tara ka whakaritea pea hai tāone nui rawa
Waatea Team
Posted On December 6, 2012
Kua roa ā Fran Wilde me te Kaunihera-ā-rohe whānui ō Te Whanganui-ā- Tara, arā e whakahau ana kia whakatūhia he poari kōtahi hai rangatira mō ngā Kaunihera-ō-Kapiti, Porirua, Pōneke, Te Awakairangi, Whakatiki me Wairarapa, anō nei he tāone nui te miharo.
I tikina atu ko te whakakotahitanga ō Tāmaki ki raro i te karangatanga tāone nunui miharo hai tauira.
Nā, i tēnei wā, ko Wilde me tāna kaunihera taua poari.
I tēra wiki i whakahipahia te pānui tuatoru ō ngā whakareretanga ō te ture mana ā rohe, rua mano mā rua.
Kia whakaaehia e te Kāwana Tianara, ka turehia.
I raro i te ture nei, ka noho he poari matua hai rangatira mo ngā poari ō raro.
Ko waua poari ō raro ko ngā kaunihera me ngā poari hāpori, kai te whakaae te Kaunihera-ō-Pōneke me Porirua, kai te māharahara tonu ā Kapiti, kai te whakataruna ā Te Awakairangi, Whakatiki me Wairarapa.
