Listen Now: 
Kei te whakatipu te peremia i te mauāhara ki waenganui i te iwi Māori me te iwi Pākehā, kia pai ai tāna hoko atu i ngā rawa ō te motu.
Koirā te whakapae ā John Minto, toihau tuarua ō te rōpū Mana.
Kua puta te whakatau i ā John Key, ki te hinga te Karauna i roto i te kōti teitei i tēnei wiki, i te tohe ki te Kaunihera Māori mō ngā tika ki te wai, ka murua e ia te haere ā te Kāwanatanga ki tēnā iwi, ki tēnā iwi ki te whiriwhiri i ō rātou ake tika ki te wai ō ō rātou nā rohe.
Hei tā Key anō, ki te kore e hokona ngā rawa, ka kore ngā wāhi pērā i ngā hōhipera me ngā kura e whai putea tāpiri i te Kāwanatanga.
Hei tā Minto, ko te wairua ō te kōrero ā te peremia, he wairua kino, nā te mea, e mea ana āna, nō te Māori te hē.
Copyright © 2013, Uma Broadcasting Ltd
RELATED NEWS
