November 19, 2012
Kia tūpato i tātahi, kai te muia ā Te Whanganui-ā-Tara e te kakaru moana
Kai te karangahia ē te marea, te hunga kaukau i tātahi, me ā rātau kuri, kia tūpato, he mea wero te kakaru moana.
Hai tā Ritchie Wards ō Pito-one, iaia e hī ana ka mau tētahi kakaru moana ki tana aho, te mutunga mai i tapahia e ia tāna aho hī kia tuku te ika rā.
Hai tāna, he āhua nui tonu ngā kakaru moana nei, pēnei i te pereti kai te whānui, he āhua rite ki te wheke te hanga.
I kī hoki ā takuta Mile Lamare ō te whare wānanga ō Otākou, matanga ō ngā momo ika ō te moana, ahakoa wero ngā kakaru moana, ehara i te wero whakamate tangata, engari e tika tonu kia tūpato te tangata.
Mehemea werohia e te kakaru moana, tango katoatia ngā hiku wero, horoia ki te wai tote, pania ki te pekana paura, mehe whara tonu waeahia ki te rata.