November 08, 2012
Kīhai ā Te Taou i whai hua i tā rātou kōrero ki te Taraipiunara ō Waitangi
Kua kauparehia atu e te Rōpū Whakamana i te Tiriti, te tono tuatoru ā te iwi ō Te Taou ō Tāmaki Makaurau.
Nā Paora Kawharu te tono tuatoru nei i kokiri, he hiahia nōna kia hui kōhukihuki ki te Rōpū Whakamana ki te wero i ngā whakataunga e pā ana ki ā Ngāti Whatua ki Kaipara me te Kōtahitanga ō ngā iwi ō Tāmaki Makaurau.
Hei tā Kawharu, kāore ētahi ō ngā takiaho whakapapa ō Te Taou i te whai wāhi atu ki ā Ngāti Whatua, nō reira, kāore e tika ana kia taka atu rātou ki raro i te mana ō te whakataunga ā Ngāti Whatua, ā te Kōtahitanga ō ngā iwi rānei, engari, me whai whakataunga motuhake kē ake rātou e hangai ana ki tō rātou ake mana, rangatiratanga, taonga hoki.
Hei tā te Rōpū Whakamana, ahakoa e marama ana rātou he iwi motuhake ā Te Taoū, kua tōmuri rawa ke tā rātou tono, i te mea, kei mua kē ngā whakataunga i te aroaro ō te whare pāremata.
Copyright © 2013, Uma Broadcasting Ltd