October 29, 2012
Kua hinga tētahi totara ō te ao papāho Māori
I te pō o Te Rāmere i mate ohorere tētahi rangatira ō Ngāti Whakaeke rāua ko Te Aupōuri
Ko Rau Kapa tēra, he whetū ō te ao papāho, he kaitautoko i ngā kaupapa ō te Hāhi Mihingare anō hoki
Koiā tēra, tētahi ō ngā kaikawe pūrongo tuatahi mō Te Karere, Te Reo Tātaki.
He reo karere i rongohia whānuitia mā runga i ngā iarere ō Te Reo Irirangi ō Wātea, ā, koiā tēra i naini rā, te reo tuakana ō Te Kaea, Whakaata Māori.
Hei tā Kīngi Īhaka, he ringa tohu mō ngā kaupapa Pāpāho Māori ō mua, ko Rau tēra, i oti te whakamārama atu i ngā rongorongo kōrero ki te katoa.
Hei tā Ihaka, i whakamahia e ia ngā kupu Māori, kia oti i te hunga e areare atu ana ki ā ia, te mōhio he aha te aha.
E takoto ana te tinana ō Rau Kapa, ki roto i te poho Te Kotahitanga Marae, i te Kaikohekohe.
Ka tanumia tōna tinana ki te rua whakautu āpōpō.