October 15, 2012
Mā te rorohiko te tari WINZ ka rere
Kei te rangahau hohonu te Rātonga Hiranga Tāngata, arā, WINZ, he aha koia te hapa i tā rātou punaha rorohiko, i āhei ai tētahi kaikawe kōrero ki te rapu me te pānui i ngā kōrero katoa kei roto i ngā konae tumataiti e hia mano, i te tari ō te Ratonga Hiranga Tāngata i Te Whanganui-a-Tara.
Hei tā te kaikawe kōrero nei, ā Keith Ng, i haere noa ake ia ki te tari nei, ka noho ki tētahi ō ngā rorohiko ō roto, mea rawa ake, ka hua ake ki mua i ā ia ngā taipitopito pēnei i ngā ingoa ō ngā tamariki tēra pea ka whangaihia, ngā ingoa ō ngā mātua whangai, ngā ingoa ō ngā tāngata e nama ana ki te hiranga tāngata, ngā ingoa ō ngā tamariki whakaraerae, me te ingoa ō tētahi tangata i ngana ki te whakamate i ā ia anō.
Hei tā te tahuhu rangapu tuarua ō te Rātonga Hiranga Tāngata, ā Marc Warner, kei te tino maharahara rātou ki tēnei hapa, na kona anō, kei te whakahaere rangahau hohonu.